„Израел може да прави што сака, тоа го прави со децении. Мислам дека со таква држава и со такво државно раководство не треба да се занимаваме.
Тоа е едноставно криминална политика што не води никаде и која, за жал, има поддршка од Вашингтон“, изјаи вчра хрватскиот претседател Зоран Милановиќ.
Милановиќ, исто така, се запраша каков е американскиот интерес во ова.
„Некој сака да предизвика светски конфликт, го прават тоа насилно, корумпирано и го прават со американско оружје“, рече тој.
Милановиќ вели дека за политиката на Израел мора отворено да се дискутира.
„За она што се случи пред 100 години, Холокаустот, не сум одговорен јас, ниту пак е одговорен некој од денешната хрватска политика. Затоа, мора да зборуваме без никакво комплексно и какво било можно, за мене неразбирливо, чувство на некаква преостаната античка вина.
Криминалците треба да се нарекуваат со нивните вистински имиња, а дел од раководството на сегашната израелска влада се криминалци“, рече тој.
Тој исто така рече дека „воопшто не го интересира“ како на неговите зборови ќ реагира „израелската амбасада тука или нивното Министерство за надворешни работи“
Тој заклучи дека Хрватска треба да ја признае Палестина.