Свет

„Можам да ја уништам која било земја, но не можам да воведам царини?!“: Трамп за пресудата на Врховниот суд

Американскиот претседател „длабоко разочаран“ од одлуката на Судот, но најави нови универзални царини од 10 проценти

Американскиот претседател Доналд Трамп најави воведување универзална тарифа од 10 проценти на веќе постоечките царини по одлуката на Врховниот суд на САД да ја поништи неговата одлука што ја разниша светската економија минатата година.

„Можам да правам што сакам, можам да ја уништам која било земја, но не можам да воведувам царини?!“, праша Трамп по пресудата на Врховниот суд.

Кратко по пресудата, претседателот вети дека ќе најде други начини за повторно воведување на царинските мерки.
Американскиот претседател Доналд Трамп ја опиша одлуката на Врховниот суд на САД да ги прогласи неговите сеопфатни глобални тарифи за нелегални како „длабоко разочарувачка“ и најави воведување нови универзални тарифи од 10%.

Трамп остро го критикуваше судот и рече дека е „апсолутно засрамен“ од „одредени членови“ кои гласаа против клучен елемент од неговата економска политика.

Во изјавите за новинарите тој отиде подалеку, обвинувајќи ја институцијата за надворешно влијание: „Според мое мислење, судот беше под влијание на странски интереси“.

Кратко по пресудата, претседателот вети дека ќе најде други начини за повторно воведување на царинските мерки.

„Сега ќе се користат други алтернативи за да се заменат оние што судот погрешно ги отфрли“, рече тој за време на прес-конференцијата, нагласувајќи дека новите пристапи би можеле да донесат уште повеќе приходи.

Трамп додаде дека и покрај ударот на судот, се чувствува „посилен“ и кратко потоа најави воведување на нова глобална тарифа од 10 отсто што ќе влијае на широк спектар на увезена стока.

Одлуката на Врховниот суд е сериозен удар врз една од водечките економски политики на претседателот, но Белата куќа сигнализира дека трговскиот притисок врз американските партнери ќе продолжи во друга форма.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

To top