Свет

Њујорк под вода: Две лица загинаа, стотици летови откажани

Њујорк е погоден од интензивни врнежи кои резултираа со два смртни случаи, поплави на улиците и откажување на стотици летови.

2 минути за читање

Њујорк е погоден од интензивни врнежи кои резултираа со два смртни случаи, поплави на улиците и откажување на стотици летови. Градоначалникот Ерик Адамс изјави дека бурата надмина повеќедецениски рекорди за врнежи и нагласи дека екстремните временски услови стануваат нова нормала за градот.

Националната метеоролошка служба објави дека во некои делови дождот паднал за десет минути во количина што вообичаено се акумулира за неколку часа. Измерените врнежи изнесуваа 4,7 см во Централ Парк, 5,3 см на аеродромот Ла Гвардија и 5 см на Њуарк Либерти – сите рекордни за октомври.

Две лица ги загубија животите во поплавите. Една жртва беше пронајдена во поплавен подрум во Бруклин, каде се обидувала да го спаси своето куче, додека втората беше откриена во котларница во Вашингтон Хајтс. Властите истакнаа дека престојот во подземни простории за време на вакви врнежи носи висок ризик.

Поплавите предизвикаа нарушување на сообраќајот: дел од автопатите и улиците беа непроодни, јавниот превоз доцнеше, а одредени метро линии беа прекинати поради навлезена вода. Аеродромите ЏФК, Ла Гвардија и Њуарк воведоа привремени прекини на операции, што доведе до откажување и одложување на стотици летови низ источниот брег на САД.

– Оваа бура ги урна рекордите за врнежи од дожд за 30 октомври. Поголемиот дел од дождот што беше најавен дека ќе врне неколку часа, падна за само десет минути – напиша Адамс на платформата X, повикувајќи на претпазливост и следење на упатствата од надлежните служби.

Националната метеоролошка служба издаде предупредувања за крајбрежни поплави во Бронкс, Бруклин и Квинс, а ветрот достигна брзина до 50 милји на час. Спасувачките екипи извршија десетици интервенции на локации каде возила и пешаци беа заглавени.

Иако врнежите престанаа до вечерта, властите предупредуваат дека заситеноста на почвата може да доведе до дополнително покачување на нивото на реките во наредните денови. Експертите ја поврзуваат бурата со климатските промени, кои предизвикуваат зголемена фреквенција и интензитет на екстремни врнежи во североисточниот дел на САД.

Поврзани теми:

избор|поплави|њујорк|Ерик Адамс|ЏФК

Повеќе на оваа тема:

Најнови вести од: Свет

Во Кина пробиена планина долга 22 километри и се изгради најдолгиот автопатски тунел!

Кина го пушти во употреба најдолгиот автопатски тунел во Азија, долг 22,13 километри, кој минува низ планините во покраината Гуиџоу. Тунелот „Тјаншан Шенгли“, со модерно осветлување и бетонска конструкција, веќе се смета за едно од најзначајните инженерски остварувања во регионот.

„Политико“: Пука обединетиот европски фронт против Трамп – се разоткриваат старите линии на внатрешниот расцеп во ЕУ

„Лидерите на ЕУ се подготвуваат за големи борби околу прашања, кои се движат од заеднички одбранбени проекти до економски реформи, но обидот за олабавување на зависноста на Европа од Америка на Доналд Трамп открива длабоки поделби меѓу 27-те земји на блокот. Обновената желба да се намали зависноста од Вашингтон ги исфрла на површина познатите несогласувања пред самитот на лидерите на ЕУ во четврток.“ – објави денес аналитичкиот портал за европски прашања „Политико“ од Брисел во анализата со наслов „Настојувањето на Европа да оди сама ги разоткрива старите линии на нејзиниот внатрешен расцеп и на грешките“.

Десет мртви и 27 повредени во оружен напад во средно училиште во Британска Колумбија, Канада

Десет лица се убиени, вклучувајќи го и напаѓачот, вчера, на 10 февруари, во оружен напад во средно училиште во градот Тамблер Риџ, во Британска Колумбија, во Канада. Во училиштето има 160 ученици од 7 до 12 одделение на возраст од 12-18 години. ‘Полицијата спречила оваа ужасна трагедија да стане уште полоша.’.  објавија властите. Би-Би-Си јави дека пукањето се случило околу 13:20 часот по локално време.

Хрватска: Калуѓерката лажела дека била напднта со нож од мигрант

Обвинителството бара казна од 10 месеци затвор за калуѓерката Т.З. (35), условна казна од три години, откако е обвинета за лажно пријавување кривично дело, бидејќи поднела кривична пријава против непознат напаѓач иако самата нанела повреди со нож
Сите вести од Свет

Најнови вести

To top