Унгарскиот премиерт изјави дека НАТО не треба да има никаква улога во Украина, нагласувајќи дека земјата не е членка на Алијансата и дека неговата политичка цел е тоа да не се промени.
„Украина не е членка на НАТО, исто како Русија. Мојата задача е да се погрижам дека ќе остане така“, порачал Виктор Орбан, според Украинска правда.
Орбан, исто така, изјави дека не ја смета Русија за сериозна закана за НАТО, иако често се споменува во официјални документи и изјави на Алијансата.
Според него, НАТО е „многу посилен“ од Русија, поради што нема реална опасност. Наместо безбедносна закана, Орбан гледа поголем проблем за Европа во губењето на економската конкурентност.
Орбан ги засили критиките кон Украина во последните месеци, што стана централна тема на унгарската државна реторика.
Тој, исто така, води пропагандна кампања во која ги повикува унгарските граѓани да се спротивстават на членството на Украина во Европската унија.