Унгарскиот премиер Виктор Орбан ја обвини Европската Унија за поттикнување војна во Украина и за опструкција на мировните напори на американскиот претседател Доналд Трамп.
„Брисел избра војна. Тие формираа „Коалиција на волјата“, подготвена да ги испрати другите во смрт.
Повеќе оружје, повеќе пари за Украина: тие го направија конфликтот свој.
Мирот можеше да биде тука, под претседателот Трамп, ако оние во Брисел само престанеа да го попречуваат патот напред“, објави тој на социјалните медиуми, пренесуваат медиуми.
Одделно, унгарскиот премиер изјави за радио Кошут дека неговата влада работи на избегнување на одлуката на ЕУ да го забрани увозот на енергија од Русија.
Рафинериите во Унгарија и Словачка, со вкупен капацитет од 14,2 милиони тони сурова нафта годишно, зависат од руската сурова нафта транспортирана преку нафтоводот Дружба.