„Почитуван господине претседателе, со сето должно почитување, Унгарија нема морална обврска да го поддржи пристапувањето на Украина во ЕУ. Ниту една земја никогаш не влегла во ЕУ преку уцена – и тоа нема да се случи ниту овој пат.
Ова му го порачал унгарскиот премиер Виктор Орнаб на украинскиот претседател Володимир Зеленски кого го обвини дека дека „ја користи својата вообичаена тактика на морална уцена“ за за да ги принуди земјите да ги поддржат неговите воени напори и аспирации за ЕУ.
„Договорот за ЕУ не остава простор за двосмисленост: членството се одлучува едногласно од земјите-членки. Унгарскиот народ одлучи. Тие со огромно мнозинство рекоа „не“ на членството на Украина во ЕУ на референдум.
Ако сакате да го промените тоа, медиумската кампања што ја водите против Унгарија веројатно не е најдобриот начин да се добијат пријатели“, напиша Орбан на X.
За време на вчерашната прес-конференција со холандскиот премиер Дик Шуф, Зеленски изјави дека Украина ќе стане членка на ЕУ без оглед на ставот на Орбан.
„Украина ќе биде во ЕУ, со Орбан или без него, бидејќи тоа е избор на украинскиот народ“, нагласи Зеленски.
Тој коментираше за можноста за промена на деловникот, така што проширувањето на ЕУ нема да бара едногласна одлука.
„Промената на постапката значи наоѓање начин без Унгарија. Кога мнозинството, сите земји освен Унгарија, ја поддржуваат Украина, тие разбираат како треба да се направи тоа“, истакна тој.
Зеленски, исто така, истакна дека Украина ги исполнила сите технички услови за отворање на првиот кластер во преговорите за членство во ЕУ.
Орбан неодамна тврдеше дека Унгарците не сакаат да бидат во истата унија со Украинците бидејќи не сакаат „да ја делат судбината на Украинците“…
Унгарскиот премиер, исто така, рече дека не верува дека Украина е суверена држава, бидејќи нејзините сметки ги плаќа ЕУ.