Свет

Партијата на Борисов: Да запре прогонот на Бугарите во Македонија

Пратеничката група на ГЕРБ-СДФ изрази несогласување со пресудата на Основниот суд во Битол против Љубчо Георгиевски. Од собраниската говорница утрово, Јорданка Фандакова прочита декларација на оваа тема, објави БГНЕС. Овој случај не е изолиран, туку еден од многуте што го потврдуваат прогонот на Бугарите во РСМ. Од пратеничката група на ГЕРБ-СДФ, изјавуваме дека оваа пресуда […]

Пратеничката група на ГЕРБ-СДФ изрази несогласување со пресудата на Основниот суд во Битол против Љубчо Георгиевски.

Од собраниската говорница утрово, Јорданка Фандакова прочита декларација на оваа тема, објави БГНЕС.

Овој случај не е изолиран, туку еден од многуте што го потврдуваат прогонот на Бугарите во РСМ.

Од пратеничката група на ГЕРБ-СДФ, изјавуваме дека оваа пресуда е целосно неприфатлива и ги повикуваме властите во Скопјe да престанат со репресијата врз бугарската заедница и врз секој што го брани своето неотуѓиво право да се самоидентификува како Бугарин, изјави Фандакова и продолжи:

Оваа пресуда е политички мотивирана, тоа е чин на репресија врз Бугарите во РСМ, чии права систематски се кршат.

Време е властите во оваа земја-кандидат за членство во Европската Унија да престанат да го негираат постоењето на омраза, како и да ги прекинат сите дејствија што систематски ја поттикнуваат, особено против Бугарија и Бугарите во РСМ.

Бугарија не може и нема да остане рамнодушна кога нејзините граѓани и сонародници се изложени на неправда поради нивниот идентитет. Љубчо Георгиевски не е сам, целата бугарска држава и народ стојат зад него, рече Јорданка Фандакова.

БГНЕС потсетува дека Основниот суд во Битолско изрече условна казна од една година со две години условно за Љубчо Георгиевски.

Судските процеси против претседателот на затворениот културен клуб „Иван Михајлов“ започнаа пред три години. Тој беше обвинет за разни кривични дела од страна на режимот во Скопјe за публикации што содржат историски факти.

Во четврток, бугарското Министерство за надворешни работи ја оцени казната како апсолутно неприфатлива.

Најнови вести од: Свет

Путин и Си Џинпинг разговараа за руско-американски преговори

Рускиот претседател Владимир Путин разговараше со кинескиот лидер Си Џинпинг за последните контакти меѓу Русија и САД, изјави денеска Јуриј Ушаков, помошник на рускиот претседател, на маргините на самитот на Шангајската организација за соработка, што се одржува во кинескиот град Тјенџин.

Портпаролот на Хамас убиен во напад на Израел

На 30 август 2025 година, портпаролот на вооруженото крило на палестинското движење Хамас, Абу Обеида, беше убиен во израелски воздушен напад, според информација од палестински извор објавена од телевизијата „Ал Арабија“

Џинпинг: Време е змејот и слонот да танцуваат заедно

Кинескиот претседател Шји Џинпинг и индискиот премиер Нарендра Моди одржаа средба, прва по враќањето на Доналд Трамп на власт, ветувајќи зајакнување на соработката меѓу двете земји додека се справуваат со економските предизвици од трговската војна на САД.

Градоначалникот на Чикаго: Не сакаме да гледаме тенкови на нашите улици

Градоначалникот на Чикаго, Брендон Џонсон, остро се спротивстави на можноста за распоредување на Националната гарда во градот од страна на федералната влада, откако во саботата потпиша извршна наредба за да се спротивстави на најавената имиграциска репресија.

Русија најавува нова есенска офанзива во Украина

Генерал-полковник Валериј Герасимов, командант на руската армија, објави дека инвазијата во Украина ќе продолжи со нови цели за есенската офанзива, и покрај зголемените апели од Западот за започнување преговори.

To top