Свет

Русија предупреди дека и таа има интереси на Арктикот

Со оглед на тврдењата на американскиот претседател Доналд Трамп во врска со Гренланд, Русија предупреди да не се занемаруваат нејзините интереси на Арктикот

2 минути за читање

Со оглед на тврдењата на американскиот претседател Доналд Трамп во врска со Гренланд, Русија предупреди да не се занемаруваат нејзините интереси на Арктикот, пренесе ДПА повикувајќи се на извештајот на државната новинска агенција Тас.

– Сите обиди да се игнорираат интересите на Русија во поларниот регион, пред сè во областа на безбедноста, нема да останат без одговор и ќе имаат многу далекусежни последици, изјави портпаролката на Министерството за надворешни работи, Марија Захарова.

Трамп често ги наведува руските и кинеските активности во близина на арктичкиот остров како оправдување за неговото барање за контрола врз Гренланд, велејќи дека нивното присуство го прави островот клучен за безбедносните потреби на САД.

Путин: Меѓународната ситуација се влошува, светот станува сè поопасен

Захарова ја критикуваше воената извидувачка мисија од страна на неколку европски членки на НАТО за подобра заштита на автономниот остров што ѝ припаѓа на Данска, нарекувајќи ја „следна провокација од западните земји кои исто така сакаат да го наметнат својот ред во овој регион на светот.

Таа рече дека европските држави треба да бидат свесни дека ова ја загрозува безбедноста на Русија како рамноправна арктичка приморска или крајбрежна држава.

Русија, со својата долга северна крајбрежна линија на Северниот Леден Океан, го смета Арктикот за своја сфера на интерес. Таа сè повеќе ги користи морските патишта во регионот и го проширува своето воено присуство.

Поврзани теми:

САД|актуелно|Русија|територија|Артик

Повеќе на оваа тема:

Најнови вести од: Свет

„Телеграф“: Професорот по воени студии Канлиф бара Англија да го напушти и НАТО, оти тоа било „нејзин национален интерес“!

„Велика Британија, откако гласаше за излез од Европската Унија пред 10 години врз основа на враќање на нашиот национален суверенитет, не може да остане во НАТО, во клуб кој сега отворено го нарушува територијалниот интегритет на своите земји-членки. Би се посрамотиле да останеме дел од рекет. Во наш национален интерес е Брегзит од НАТО, Велика Британија да го напушти овојпат и НАТО!“ – оваа изјава на д-р Филип Канлиф, професор по одбранбени студии на Универзитетскиот колеџ во Лондон е дел од неговата авторска колумна со наслов „Време е за Брегзит од НАТО – заканите на Трамп до Данска поради Гренланд ја прават алијансата да се чувствува повеќе како рекет“, која ја објави британскиот весник „Телеграф“.

Калас: Сега е вистинско време да се почне со пиење алкохол?!

„Политико“, повикувајќи се на сопствени извори, објави дека највисокиот дипломат на ЕУ, за време на состанокот со политичките групи на Европскиот совет, навидум шегувајќи се изјавила дека поради моментната глобална ситуација сега е „совршено време да се почне со пиење“. Калас им рекла на лидерите на политичките групи во Европскиот парламент дека иако обично пие малку, со оглед на светските настани, сега можеби е време да почне. Сепак, Калас додала, за секој случај, дека самата таа не е најголем обожавател на алкохол.

Итна евакуација на Меѓународната вселенска станица: Дел од екипажот во лоша здраствена состојба (ВИДЕО)

Четворица астронаути ја напуштија Меѓународната вселенска станица (МВС) еден месец порано од планираното, во првата медицинска евакуација во историјата на станицата од нејзиното лансирање во 1998 година.
Сите вести од Свет

Најнови вести

To top