Свет

Руски дрон уби француски фоторепортер во Украина

Францускиот претседател Емануел Макрон се огласи на социјалните мрежи за да изрази сочувство до семејството на Антони Лаликан

2 минути за читање

 

Од дронот загина францускиот фоторепортер Антони Лаликан и беше ранет Георги Иванченко, фотограф на Киев Индепендент и член на Украинското здружение на професионални фотографи (UAPP), соопшти  Четвртата тешка механизирана бригада на Украина.

Рускиот дрон ги погоди Лаликан и Иванченко во град во регионот Донецк, изјави Сергеј Томиленко, претседател на Националниот сојуз на новинари на Украина.

Томиленко рече дека Антони Лаликан имал акредитација од француската агенција Ханс Лукас за работа на фронтот. Тој додаде дека Лаликан е третиот француски новинар убиен од Русите.

UAPP соопшти дека лекарите моментално го оперираат ранетиот Иванченко и дека неговата состојба е стабилна.

Францускиот претседател Емануел Макрон се огласи на социјалните мрежи за да изрази сочувство до семејството на Лаликан.

„Нашиот сограѓанин, фоторепортер Антони Лаликан, известуваше за украинската армија на првите линии на отпорот. Со длабоко жалење дознав за неговата смрт, жртва на руски напад со беспилотни летала. Им упатувам искрено сочувство на неговото семејство, неговите најблиски и на сите негови колеги кои, на свој ризик, нè информираат и сведочат за реалноста на војната“, напиша тој.

Антони Лаликан беше фоторепортер со седиште во Париз кој работеше за бројни медиуми, вклучувајќи ги Цајт, Ле Монд, Дер Шпигел и други. Тој известувал од Украина од 2022 година.

Георгиј Иванченко е украински фотограф кој работи како хонорарен репортер за медиумски и документарни проекти од февруари 2022 година. Во првите месеци од руската инвазија, тој почна да фотографира за Асошиејтед Прес и Европската агенција за фотографии на печатот (ЕПА).

Русија уби 130 украински новинари од почетокот на целосната инвазија, според Националниот сојуз на новинари на Украина.

Поврзани теми:

загина французин|Украина|актуелно|Макрон|руски дрон|фоторепортери

Повеќе на оваа тема:

Најнови вести од: Свет

Ескалира ситуацијата во Иран: убиени најмалку 50 демонстранти и 15 припадници на безбедносните сили биле убиени, а околу 2.300 се уапсени

Во саботата американскиот претседател Доналд Трамп, кој последните денови постојано се закануваше со воен напад врз Иран, објави на социјалните мрежи: „Иран сака слобода, можеби како никогаш досега. САД се подготвени да помогнат!“

Илјадници пожарникари во Австралија се борат со најлошите шумски пожари по „Црното лето“ од 2019-2020 година

Во Австралија повеќе од 130 објекти, вклучувајќи куќи, се уништени, а околу 38.000 домови и бизниси останаа без електрична енергија од пожарите, соопштија властите, додавајќи дека ова се најлошите пожари во државата од таканареченото „Црно лето“ од 2019-2020 година, кога шумските пожари уништија област со големина на Турција и убија 33 Австралијанци.

Челникот на швајцарскиот кантон гневен, поради изостанувањето инспекции во барот, во кој загинаа 40 луѓе

Челникот на швајцарскиот кантон каде што 40 млади луѓе загинаа во пожар во бар на новогодишната ноќ го изрази својот гнев поради тоа што локалните власти речиси шест години не извршиле никаков увид во објектот во кој се одигра трагедијата, додека обвинителите ги засилуваат своите напори да ги повикаат одговорните на одговорност. 

„Политико“: „Патриотите за Европа“ се закануваат дека ќе ги кренат во воздух ЕК и Лаен, но ќе им пропадне обидот да им изгласаат недоверба!

Претседателот на групата „Патриоти за Европа“ во Европскиот парламент лидерот на партијата Национално собирање на Франција Џордан Бардела го објави планот за предлог за изгласување недоверба на Урсула Лаен во четврток вечерта на општествената платформа икс. Неговата партија Националното собрание на Франција, се спротивставува на трговскиот договор меѓу ЕУ и јужноамериканскиот блок Меркосур, за кој се залагаше фон дер Лаен. Квалификувано мнозинство од земјите-членки на ЕУ во петокот го одобрија долгоочекуваниот трговски договор, на кој се спротивстави Франција. „Се надевам дека ќе го поднесеме [предлогот за недоверба] на гласање оваа јануарска седница.“ – изјави за „Политико“ висок функционер на групата „Патриоти за Европа“.

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.
Сите вести од Свет

Најнови вести

To top