Американските Вселенски сили за првпат јавно потврдија дека САД имаат распоредено оружени системи во орбитата.
„САД располагаат со оружени системи за контрола на вселената во орбитата, способни да ги заштитат обединетите вооружени сили од непријателски дејствија на противниците“, изјави портпарол на американските Космички сили во соопштение, без да го прецизира видот на оружјето.
Според истиот извор, „контролата на вселената“ ги опфаќа сите мисии насочени кон борбата за контрола на вселенската средина, со употреба на „кинетички и некинетички“ средства способни да влијаат врз воените способности на противникот. Таквите способности, беше посочено, „можат да се користат и за офанзивни и за одбранбени цели“.
Вселенските сили на САД своето воено присуство во земјината орбита го образложуваат како реакција на активностите на двата главни геополитички ривали во вселената.
Кина, според нив, „развива и распоредува вселенски и противвселенски способности во рамките на стратегијата за воена модернизација“, додека Русија „ја смета вселената за бојно поле и верува дека вселенската супериорност ќе биде одлучувачки фактор во идните конфликти“.