Украина изврши нов напад врз најголемата руска нафтна пумпа клучен дел од системот на нафтовод „Дружба“, потврди Роберт Бровди, познат како „Мадијар“, командант на украинските сили за беспилотни системи, пишува „Киев пост“.
Објектот „Унеча“, кој се наоѓа на четириесет километри од украинската граница, е најголемиот центар на нафтоводниот систем „Дружба“ во сопственост на „Транснефтепродукт“. Преку мрежа долга 9.000 километри,гасовод го снабдува рускиот воено-индустриски комплекс и е клучен за извозот на нафта.
Унгарскиот министер за надворешни работи, Петер Сијарто, брзо реагираше на веста за нападот.
„Пристигна вест дека нафтоводот „Дружба“ на руско-белоруската граница е повторно нападнат – трет пат за краток временски период. Снабдувањето со сурова нафта за Унгарија е повторно запрено“, напиша тој на Фејсбук.
Сијарто го нарече нападот „уште еден напад врз енергетската безбедност на Унгарија“ и „уште еден обид да нè вовлечат во војна“.
Поврзани вести: