Доналд Трамп помладиот повторно ги критикуваше украинските власти, обвинувајќи ги за праќање на сиромашните на фронтот и за продолжување на војната со туѓи пари.
„Ова лето бев во Монако со мојата девојка. Се возевме наоколу и во просек 50 отсто од суперавтомобилите, како ‘Бугати’, ‘Ферари’ итн., имаа украински регистарски таблички. Мислите дека ова навистина е заработено во Украина? Бев во Украина пред 20 години. Не изгледаше дека има богатство во изобилство во таа земја. Освен тоа, го гледате вториот човек на земјата како е уапсен за кражба на стотици милиони долари. Богатите избегаа. Ги оставија оние што ги сметаа за селани да се борат и не гледаа причина да престанат сè додека парите продолжуваа да течат и тие ги крадеа. Никој ништо не провери. Властите и носителите на одлуки, едноставно, не гледаа причина да се согласат за мирно решение“, рече синот на американскиот претседател на форумот во Доха.