Словенија сè уште не го признава хрватскиот јазик како малцински јазик, предупреди денес Комитет на експерти на Советот на Европа, кој се предлага тој да биде признаен, заедно со германскиот и српскиот, како национален малцински јазик што традиционално се зборува во земјата, објави Индекс.хр
Комитетот на експерти за Европската повелба за регионални или малцински јазици на Советот на Европа, исто така, ја нагласи потребата од подигање на свеста во словенечкото општество за овие јазици, нивната историја и култура како составен дел од културното наследство на Словенија, во образованието и медиумите.
Комитетот ги призна напорите на словенечките власти за заштита на јазиците што се зборуваат во нивната земја, каде што унгарскиот и италијанскиот јазик продолжуваат да уживаат релативно високо ниво на заштита, со можност за двојазична настава на словенечки и унгарски јазик и на италијански јазик на сите нивоа на образование освен на универзитетот.
Покрај предлагањето за признавање на хрватскиот, германскиот и српскиот јазик како малцински јазици, комитетот, исто така, предлага настава на ромскиот јазик и култура на сите соодветни нивоа, бидејќи нема редовна настава на или за овој јазик.
Според пописот од 2002 година, во Словенија живееле околу 35.000 Хрвати.
Пописот на Република Словенија од 2011 година не вклучувал собирање податоци за националноста и мајчиниот јазик на жителите.