Талибанските власти наредија сеопфатна забрана за користење паметни телефони од страна на владини службеници, што според некои аналитичари би можело да биде вовед во многу пошироки ограничувања што би се однесувале на целото население.
Според наредбата издадена од талибанските воени судови, забраната требаше да стапи на сила оваа недела. Со неа се забранува употреба на мобилни телефони од страна на „високи и пониски службеници, обични муџахедини и помошен персонал“.
Во видео објавено на интернет, се гледа како талибански службеник ја чита наредбата за забрана директно од својот мобилен телефон, додека во исто врреме друго лице ги крши телефоните.
Во наредбата се наведува: „Ако некој користи мобилен телефон, неговиот уред ќе биде скршен, а против прекршителот ќе бидат применети законски и шеријатски казни“. Се додава дека исклучоци се можни само со писмена дозвола од врховниот талибански лидер Хибатула Ахунџада.
Според извештаи и извори од Авганистан, забраните се спроведуваат на различни начини. Во некои области, тие се однесуваат само на владини службеници, додека во некои градови и провинции се проширени на жени, цивили, здравствени работници, наставници и ученици.
„Голем дел од ова се случува на локално ниво, во зависност од тоа што одлучил секој локален службеник.
Но, исто така е можно дека ова е подготовка за целосна забрана и дека засега само ги тестираат реакциите“, рече аналитичар кој ја следи ситуацијата во Авганистан.
The Taliban have ordered a sweeping ban on the use of smartphones by government officials – in what some analysts say could foreshadow broader, population-level restrictions.
In a directive issued by the Taliban’s military courts and reviewed by the Guardian, the ban was to take… https://t.co/F3mi0Np44z pic.twitter.com/YirZBH7Yk6
— Darlington Enemchukwu (@Darlington576) June 18, 2026