Во источна Јава, Индонезија, се случи трагедија откако се урна зградата на исламскиот интернат „Ал Козини“ (Al-Khoziny) во градот Сидарџо, затрупувајќи десетици ученици кои биле собрани за попладневни молитви. Спасувачите, полицијата и војниците очајно копаат низ рушевините со раце и тешка механизација за да ги пронајдат преживеаните, додека родителите во паника ги повикуваат своите деца, пренесуваат меѓународните медиуми. Снимките од местото покажуваат хаос, со очајни семејства кои чекаат вести, а спасувачите префрлаат кисеа со песок и бетон за да стигнат до заробените.
Уривањето се случи на 29 септември 2025 година околу 15:00 часот по локално време, кога четворокатната зграда – нелегално проширена од оригиналните два ката без соодветни дозволи – не издржа под товарот, потврдија официјалните лица. Темелите не можеле да го издржат дополнителниот притисок, што довело до целосно рушење. Според последните ажурирања од Националната агенција за катастрофи (BNPB), најмалку три ученици загинале, 77 се повредени и префрлени во болници (некои во критична состојба), додека 38 до 65 деца сè уште се сметаат за заробени под рушевините. Спасувачите успеале да извлечат неколку преживеани по повеќе од осум часа, вклучително и со пренос на кислород низ тесни простори.
https://x.com/theinformant_x/status/1972870677779640638
Оваа несреќа предизвика шок во индонезиската јавност, особено поради неодамнешни слични инциденти, како уривањето на зграда за молитви во западна Јава пред неколку дена, што ги подигна загриженоста за безбедноста на градежинството и стандардите во земјата. Полицијата отвори истрага за одговорноста на менаџментот на училиштето, а владата вети поддршка за семејствата и испитување на сите слични објекти. Спасувачките операции продолжуваат низ ноќта, со надеж за повеќе преживеани