Доналд Трамп му сугерираше на својот тим за национална безбедност дека сака секоја акција на САД во Иран да биде брз и решителен удар врз режимот во Техеран, велејќи дека се обидува да избегне долготраен конфликт.
Оваа информација ја објави NBC News, повикувајќи се на американски функционер, две лица запознаени со дискусиите и лице блиско до Белата куќа.
„Ако направи нешто, сака тоа да биде конечно“, изјави за NBC едно од лицата запознаени со дискусиите.
Тие исто така додадоа дека американскиот претседател е подготвен да го исполни своето ветување до демонстрантите во Иран да интервенира во поддршка на нивните напори.
Американскиот претседател Доналд Трамп рече дека верува оти режимот во Техеран може да падне.
Неговите коментари доаѓаат откако Иран објави дека Ерфан Солтани е уапсен, но не е осуден на смрт, спротивно на тврдењата на неговото семејство и организација за човекови права, објави Ројтерс.
Во интервјуто, Трамп рече дека Трамп: Евентуална акција во Иран мора да биде брза и решителна
„Секој режим може да падне“, рече тој, додавајќи: „Без разлика дали ќе падне или не, тоа ќе биде интересен период“.
Тој, исто така, изрази сомнежи за можноста протераниот наследник на тронот на Иран, Реза Пахлави, кој стана истакнат глас во поттикнувањето на демонстрантите, да ја преземе власта. Трамп рече за Пахлави дека „изгледа многу симпатичен, но не знам како би се снашол во сопствената земја“.
Американскиот претседател, исто така, вчера тврдеше дека „убиствата во Иран престануваат“.