Претседателот на САД, одлучи да испрати 300 војници на Националната гарда за да го вратат редот во Чикаго, Илиноис,јавуваат медиуми.
„Со оглед на тековните немири и беззаконие што локалните лидери … одбиваат да ги спречат, претседателот Трамп овласти 300 војници на Националната гарда да ги заштитат федералните вработени и имотот“, ја цитираа медиуми прес-секретарката на Белата куќа, Абигејл Џексон.
„Претседателот нема да затвора очи пред беззаконието што ги зафати американските градови“, нагласи портпаролот на Белата куќа.
Гувернерот на Илиноис, Џ.Б. Прицкер, демократ, остро ја критикуваше одлуката на претседателот.
„Апсолутно е скандалозно и неамерикански да се бара од гувернерот да распореди трупи во нашата сопствена држава и против нашата волја“, рече Прицкер.
Трамп претходно предложи градови како Лос Анџелес, Њујорк, Чикаго и Балтимор да станат „зони без криминал“ како Вашингтон, откако ќе го стават под федерална контрола.
Потоа навести дека Чикаго „ќе биде следниот“ што ќе биде безбеден.
Градоначалникот на Чикаго, Брендон Џонсон, возврати со потпишување на извршна наредба „за борба против репресијата“ од страна на американскиот претседател Доналд Трамп.
Извршната наредба на Џонсон им забранува на федералните службеници за спроведување на законот да носат маски и да ги покриваат лицата.