Свет

Трамп може, но нема да го депортира Илoн Маск

Мултимилијардерот е роден во Јужна Африка. Веќе некое време се шпекулира дека тој е нелегално во Соединетите Држави

2 минути за читање

 

Се вжешува кавгата меѓу американскиот претседател и мултимилијардерот Илон Маск.

Трамп предложи Одделот за владина ефикасност (DOGE) на чие чело до неодамна беше Маск, да ги разгледа субвенциите што ги доби извршниот директор на Тесла.

Коментарите на Трамп доаѓаат откако Илон Маск ги обнови своите критики за предлог-законот за намалување на даноците и трошење што го предложи Трамп.

„Илон добил повеќе субвенции од која било друга личност во историјата, досега, а без субвенции Илон веројатно би морал да го затвори својот бизнис и да се врати дома во Јужна Африка.

Нема повеќе лансирања на ракети, сателити или производство на електрични автомобили и нашата земја би заштедила богатство. Можеби треба да го натераме Одделот за владина ефикасност добро и внимателно да го разгледа ова? Може да се заштедат огромни трошоци!!!“ напиша Трамп во објава на Truth Social.

Како одговор на прашање на новинар, Трамп ја допушти можноста Маск да биде депортиран од Соединетите Држави.

„Ќе го разгледам тоа“, одговори тој. Пред еден месец, поранешниот советник на Трамп, Стивен Банон, повика на депортација на Маск.

Маск е роден во Јужна Африка. Веќе некое време се шпекулира дека тој е нелегално во Соединетите Држави.

Трамп рече дека DOGE е „чудовиште кое можеби ќе мора да се врати и да го изеде Илон“.

Според него, Маск е „вознемирен што изгубил во производството на електрични автомобили, но би можел да изгуби многу повеќе од тоа“. „Кој сака електричен автомобил? Јас не сакам електричен автомобил. Тие експлодираат“, рече Трамп, кој пред неколку месеци свечено покажа во дворот на Белата куќа дека има Тесла.

Поврзани теми:

актуелно|трамп|Маск|кавга|тесла|депортација Јужна Африка

Повеќе на оваа тема:

Најнови вести од: Свет

Ескалира ситуацијата во Иран: убиени најмалку 50 демонстранти и 15 припадници на безбедносните сили биле убиени, а околу 2.300 се уапсени

Во саботата американскиот претседател Доналд Трамп, кој последните денови постојано се закануваше со воен напад врз Иран, објави на социјалните мрежи: „Иран сака слобода, можеби како никогаш досега. САД се подготвени да помогнат!“

Илјадници пожарникари во Австралија се борат со најлошите шумски пожари по „Црното лето“ од 2019-2020 година

Во Австралија повеќе од 130 објекти, вклучувајќи куќи, се уништени, а околу 38.000 домови и бизниси останаа без електрична енергија од пожарите, соопштија властите, додавајќи дека ова се најлошите пожари во државата од таканареченото „Црно лето“ од 2019-2020 година, кога шумските пожари уништија област со големина на Турција и убија 33 Австралијанци.

Челникот на швајцарскиот кантон гневен, поради изостанувањето инспекции во барот, во кој загинаа 40 луѓе

Челникот на швајцарскиот кантон каде што 40 млади луѓе загинаа во пожар во бар на новогодишната ноќ го изрази својот гнев поради тоа што локалните власти речиси шест години не извршиле никаков увид во објектот во кој се одигра трагедијата, додека обвинителите ги засилуваат своите напори да ги повикаат одговорните на одговорност. 

„Политико“: „Патриотите за Европа“ се закануваат дека ќе ги кренат во воздух ЕК и Лаен, но ќе им пропадне обидот да им изгласаат недоверба!

Претседателот на групата „Патриоти за Европа“ во Европскиот парламент лидерот на партијата Национално собирање на Франција Џордан Бардела го објави планот за предлог за изгласување недоверба на Урсула Лаен во четврток вечерта на општествената платформа икс. Неговата партија Националното собрание на Франција, се спротивставува на трговскиот договор меѓу ЕУ и јужноамериканскиот блок Меркосур, за кој се залагаше фон дер Лаен. Квалификувано мнозинство од земјите-членки на ЕУ во петокот го одобрија долгоочекуваниот трговски договор, на кој се спротивстави Франција. „Се надевам дека ќе го поднесеме [предлогот за недоверба] на гласање оваа јануарска седница.“ – изјави за „Политико“ висок функционер на групата „Патриоти за Европа“.

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.
Сите вести од Свет

Најнови вести

To top