Свет

Трамп му дава уште две недели на Путин

„Во рок од две недели ќе знаеме дали ќе има мир во Украина. После тоа, можеби ќе мора да заземе поинаков пристап“ вели Трамп

2 минути за читање

Американскиот претседател изјави дека неговата администрација ќе знае во рок од две недели дали е постигнат мир во Украина, предупредувајќи дека ако не, ќе „заземе поинаков пристап“.

Оваа изјава е најновата во низата рокови што Трамп ги постави за завршување на војната, кои досега поминаа без конкретна акција, пишува The Kyiv Independent.

„Во рок од две недели ќе знаеме дали ќе има мир во Украина. После тоа, можеби ќе мора да заземе поинаков пристап“, рече Трамп.

Трамп вчера напиша на својата социјална мрежа Truth Social дека Украина не може да ја добие војната без да нападне во Русија, обвинувајќи го поранешниот американски претседател Џо Бајден дека му дозволува на Киев само „да се брани, а не да возвраќа“.

Тој исто така тврдеше дека војната немаше да се случи ако тој беше на власт, завршувајќи ја објавата со зборовите: „Интересни времиња се пред нас!“

Овие изјави значително се разликуваат од неговиот став во декември 2024 година, кога во интервју за списанието „Тајм“ предупреди дека дозволувањето на Украина да користи американско оружје за напади длабоко во Русија би било „голема грешка“ што носи ризик од опасна ескалација. Да ве потсетиме дека администрацијата на Џо Бајден одобри употреба на американски ракети со долг дострел ATACMS за напади во Русија уште во 2024 година.

Поврзани теми:

Путин|2 недели|рок|мир во Украина|нов рок|актуелно|трамп

Повеќе на оваа тема:

Најнови вести од: Свет

Во Кина пробиена планина долга 22 километри и се изгради најдолгиот автопатски тунел!

Кина го пушти во употреба најдолгиот автопатски тунел во Азија, долг 22,13 километри, кој минува низ планините во покраината Гуиџоу. Тунелот „Тјаншан Шенгли“, со модерно осветлување и бетонска конструкција, веќе се смета за едно од најзначајните инженерски остварувања во регионот.

„Политико“: Пука обединетиот европски фронт против Трамп – се разоткриваат старите линии на внатрешниот расцеп во ЕУ

„Лидерите на ЕУ се подготвуваат за големи борби околу прашања, кои се движат од заеднички одбранбени проекти до економски реформи, но обидот за олабавување на зависноста на Европа од Америка на Доналд Трамп открива длабоки поделби меѓу 27-те земји на блокот. Обновената желба да се намали зависноста од Вашингтон ги исфрла на површина познатите несогласувања пред самитот на лидерите на ЕУ во четврток.“ – објави денес аналитичкиот портал за европски прашања „Политико“ од Брисел во анализата со наслов „Настојувањето на Европа да оди сама ги разоткрива старите линии на нејзиниот внатрешен расцеп и на грешките“.

Десет мртви и 27 повредени во оружен напад во средно училиште во Британска Колумбија, Канада

Десет лица се убиени, вклучувајќи го и напаѓачот, вчера, на 10 февруари, во оружен напад во средно училиште во градот Тамблер Риџ, во Британска Колумбија, во Канада. Во училиштето има 160 ученици од 7 до 12 одделение на возраст од 12-18 години. ‘Полицијата спречила оваа ужасна трагедија да стане уште полоша.’.  објавија властите. Би-Би-Си јави дека пукањето се случило околу 13:20 часот по локално време.

Хрватска: Калуѓерката лажела дека била напднта со нож од мигрант

Обвинителството бара казна од 10 месеци затвор за калуѓерката Т.З. (35), условна казна од три години, откако е обвинета за лажно пријавување кривично дело, бидејќи поднела кривична пријава против непознат напаѓач иако самата нанела повреди со нож

Урсула фон дер Лајен пред ЕП: Спремна сум да напредувам дури и без согласност на сите 27 членки

Претседателката на Европската комисија, Урсула фон дер Лајен, денеска во обраќањето пред Европскиот парламент во Стразбур ја истакна потребата од итно поедноставување и интеграција на пазарот на капитал во Европската Унија, со цел да се намали фрагментацијата и да се зајакне конкурентноста на европските компании во глобалниот контекст.

Најмалку девет убиени и 25 ранети во масовно пукање во училиште во Канада

Осомничениот напаѓач бил пронајден мртов по „самонанесена повреда“, соопшти полицијата. Според неофицијални податоци се работи за жена со кафеава коса облечена во фустан

Осомничениот беше опишан како жена со кафеава коса облечена во фустан

Макрон: Европа треба да се подготви за понатамошни судири со САД, кој се стреми кон распад на ЕУ!

Францускиот претседател Емануел Макрон денеска изјави дека Европа треба да се подготви за понатамошни судири со САД и оти неодамнешниот „гренландски момент“ треба да се сфати како повик за будење за спроведување на долго одложуваните економски реформи и зајакнување на глобалната моќ на Европската унија. Макрон оцени дека администрацијата на Трамп е „отворено антиевропска“ и оти се стреми кон „распаѓање“ на ЕУ.
Сите вести од Свет

Најнови вести

To top