Американскиот претседател Доналд Трамп објави дека ги поништува сите документи што неговиот претходник Џо Бајден ги потпишал со автопен – уред што автоматски реплицира потпис.
Според Трамп, дури 92 проценти од документите биле заверени на овој начин. Одлуката ја соопшти преку социјалната мрежа Truth Social.
Трамп ги обвини соработниците на Бајден за незаконско постапување и посочи дека автопенот не смее да се користи без експлицитно овластување од претседателот. Тој тврдеше дека лицата кои го управувале уредот постапувале нелегално, а дека Бајден не бил дел од процесот.
„Секој документ што Џо Бајден го потпишал со автопен се поништува и нема правна сила. Со ова ги поништувам сите извршни наредби и други акти што немаат негов автентичен потпис,“ напиша Трамп,
Тој предупреди дека Бајден би можел да се соочи и со обвинение за лажно сведочење доколку тврди дека го одобрил користењето на автопенот.
