Вели дека со севернокорејскиот лидер Ком Јонг-ун има многу добри односи
Американскиот претседател Доналд Трамп изјави во Белата куќа дека ќе „го реши конфликтот со Северна Кореја“
„Имав добри односи со Ким Џонг-ун и се сложувам навистина добро со него. Ќе видиме што ќе се случи. Некој вели дека постои можност за конфликт, мислам дека ќе го решиме. Ако има, нема да бидеме вклучени во него“, им рече Трамп на новинарите во Овалната соба, , објави Ројтерс.
Веб-страницата NK News, со седиште во Сеул, која ја следи Северна Кореја, овој месец објави дека делегацијата на Северна Кореја во Обединетите нации во Њујорк постојано одбивала да прифати писмо од Трамп до Ким.
Трамп и Ким одржаа три самити за време на првиот мандат на Трамп од 2017 до 2021 година и разменија голем број писма што Трамп ги нарече „прекрасни“, пред невидениот дипломатски напор да пропадне поради барањата на САД Ким да се откаже од нуклеарното оружје.
Во својот втор мандат, Трамп призна дека Северна Кореја е „нуклеарна сила“.
Белата куќа на 11 јуни изјави дека Трамп би поздравил повторна комуникација со Ким, но не потврди дека е испратено никакво писмо.