Свет

Трамп: Опасните градови во САД треба да бидат воени полигони

Обраќајќи се пред стотици воени лидери собрани од целиот свет. Трамп ги опиша „граѓанските немири“ како „непријател одвнатре“,

 

Претседателот на САД, Доналд Трамп, изјави дека сака да ги користи градовите во САД како „полигони за обука“ за војската, обраќајќи се пред стотици воени лидери собрани од целиот свет. Трамп ги опиша „граѓанските немири“ како „непријател одвнатре“, додавајќи дека ситуацијата „нема да излезе од контрола кога ќе се вклучите“, пишува Би-Би-Си.

Изјавата доаѓа откако Трамп веќе распореди трупи на Националната гарда во Вашингтон, Лос Анџелес и Портланд како дел од операциите за борба против криминалот и поддршка на спроведувањето на имиграциските закони.

Претседателот ги повтори своите критики кон градовите предводени од демократите, како што се Сан Франциско, Чикаго, Њујорк и Лос Анџелес, и најави продолжување на политиката на користење на војската за спроведување на законот.

„Ова се многу небезбедни места и ќе ги вратиме едно по едно“, рече тој, додавајќи дека ова ќе биде „важен дел од работата за некои од луѓето во оваа просторија“.

„Тоа е војна одвнатре. Контролата на физичката територија на нашите граници е од суштинско значење за националната безбедност. Не можеме да ги пуштиме овие луѓе внатре“, додаде Трамп.

Најнови вести од: Свет

Рама се пошегува на сметка на Трамп, Макрон се изнасмеа (ВИДЕО)

Трамп во август во интервју за „Фокс њуз“ се фалеше дека сопрел 7 потенцијални војни во светот и притоа направи гаф, зборувајќи за конфликтот меѓу меѓу Ерменија и Азербејџан околу Нагорно-Карабах кој заврши со потпишување мир во Белата куќа.

Трамп бара договор од универзитети: Потпишете ако сакате федерални пари

Администрацијата на претседателот Доналд Трамп побара од американските универзитети да потпишат договор што содржи услови за добивање преференцијален пристап до федералните средства, објави вчера „Волстрит џурнал“, повикувајќи се на меморандум од 10 точки.

To top