Тројца претставници на Агенцијата „Амири Диван“, највисокото владино тело на Катар, загинаа во сообраќајна несреќа во близина на египетскиот туристички град Шарм ел Шеик на Црвеното Море, соопшти амбасадата на Катар во Египет во соопштение објавено рано во неделата, објави „Тајмс оф Израел“.
Двајца се повредени во несреќата и добиваат медицинска помош во меѓународната болница во градот.
Повредените и телата на починатите ќе бидат пренесени во Доха подоцна денес со катарски авион.
Медиумски извор ги побива широко распространетите тврдења дека починатите биле од преговарачкиот тим на Катар за прекин на огнот во Газа – тие биле обезбедувачи и службеници за протокол, дел од тимот на катарскиот премиер Мохамед бин Абдулрахман бин Јасим ал-Тани.
Инцидентот се случува неколку дена откако претставници од Катар, Турција и Египет учествуваа во индиректни разговори во Шарм ел-Шеик што доведоа до договор меѓу Израел и Хамас за првата фаза од планот на американскиот претседател Доналд Трамп за прекин на војната во Газа.
Автомобилот, наводно, бил на пат кон Шарм ел-Шеик, каде што утра ќе се одржи глобален самит за финализирање на договорот, со кој ќе претседаваат Трамп и египетскиот претседател Абдел Фатах ал-Сиси.