Свет

Украински дрон запали рафинерија на „Лукоил“ во Русија

Објектот Ставропол се наоѓа на околу 500 километри од источната украинска граница, а и претходно бил цел на напади

2 минути за читање

Украински напад со беспилотно летало во текот на ноќта предизвика пожар во индустриски објект во јужниот руски регион Ставропол.

Гувернерот на регионот, Владимир Владимиров на социјалната мрежа Телеграм објави дека во нападот нема пријавени повредени, а станбените згради и основната инфраструктура на градот не се оштетени, пренесува Киев индепендент.

„Во индустриската зона има пожари. Службите за итни случаи работат на местото на настанот“,пишува тој

 

Според пишувањата на Ројтерс, рускиот нафтен гигант „Лукоил“ го управува петрохемискиот комплекс „Ставролен“ во Будјоновск во Ставропол, а регионот, исто така, има инфраструктура за гасоводи и места за складирање гориво што го прават дел од поширокиот енергетски и хемиски систем на Русија.

„Украина, која, наводно, претходно ја нападнала фабриката ‘Ставролен’, изјави дека нејзините напади во Русија и подалеку од линијата на фронтот имаат за цел да ги ограничат воените напори на Русија во војната што Москва ја започна пред речиси четири години“, објави Ројтерс.

 

На социјалните мрежи се шират видеа од голем пожар во петрохемискиот погон „Ставролен“ во рускиот град Будјоновск, а нападот, како што пишува Киев индипендент, првпат гообјавиле руските медиумски канали на Телеграм.

Видеата и фотографиите објавени од локалните жители покажуваат огромни пламени што излегуваат одзапалениот погонот.

„Ставролен“ е еден од главните производители на полиетилен и полипропилен во Русија.

Но според Генералштабот на украинските вооружени сили претходно изјави дека фабриката се користи и за производство на компоненти за беспилотни летала, композитни материјали и делови и изолација за разни видови руска воена опрема.

Објектот Ставролен, кој се наоѓа на околу 500 километри од источната украинска граница, и претходно бил цел на напади. Украинските сили за специјални операции потврдија дека извршиле успешен напад на истата локација на 12 ноември.

Поврзани теми:

избор|Русија|рафинерија|лукоил|украински дрон

Повеќе на оваа тема:

Најнови вести од: Свет

„Политико“: ЕУ ги менува правилата за проширување, за да не биде блокирана, а угледот на Урсула Лаен е на коцка!

„Претседателката на Европската комисија Урсула фон дер Лаен се подготвува за борба со главните градови на ЕУ околу плановите за прием на нови членки. Taa има само неколку седмици да ги убеди дека може да се справува со опасностите од проширување на евроблокот. Угледот на Урсула фон дер Лаен е на коцка.“ – пишува денешното утринско издание „Плејбук“ на бриселскиот аналитички портал за европски прашања „Политико“ во својата статија со наслов „Операција за одблокирање“.

Тајландски функционер убиен во неговата канцеларија од поранешен пратеник

Вооружен човек уби тајландски функционер во канцеларија на локалната самоуправа на периферијата на главниот град Бангкок во понеделникот, соопштија властите, неколку дена откако пукањето во училиште во истата покраина повторно ја разгоре дебатата за контрола на оружјето.

Дали британскиот премиер ќе поддржи создавање „Европска конфедерација“ што би ја вклучила и Македонија?!

Британскиот премиер Енди Бернам доби предлог од поранешен член на Конзервативната партија во оваа земја, за создавање „Европска конфедерација“ во која би била вклучена и Македонија.
Сите вести од Свет

Најнови вести

To top