Унгарскиот министер за надворешни работи, Петер Сијарто, ја проблематизираше политиката на Европската унија за ширење на ЕУ кон државите кои произлегоа од поранешниот СССР со „инсистирање’ на „европски стандарди“.
„Мислам дека можеме да зборуваме за двојни стандарди бидејќи Унгарија беше првата земја што јасно виде како Европската Унија (ЕУ) дејствува против суверенитетот и интегритетот, а исто така и против националните вредности“вели шефот на унгарската дипломатија.
„Грузија сега е цел, исто како Унгарија. Моето прашање е: зошто мислите дека Европа автоматски ја изедначува заштитата на идентитетот со проруска политика? Тие дефинираат сè што е поврзано со суверенитетот, демократските вредности, а исто така и вредностите на народот како проруско. Секоја влада што работи на вакви прашања е проруска за нив.
„Затоа што тие всушност немаат никакви аргументи. Така е – Брисел и овој либерален мејнстрим сакаат да се претстават како да се единственото прогресивно, толерантно, демократско, успешно и легитимно политичко општество. Кога се соочуваат со фактот дека постои нелиберален или конзервативен, патриотски, христијански, анти-мејнстрим политички правец кој е исто така успешен – тоа го убива нивниот наратив, бидејќи нивниот наратив се базира на исклучителност, додаде тој.
Бирократите велат дека се единствените на првата линија и штом се појави некој друг со сосема различни вредности, но успешен – го мразат. Тие едноставно не можат да го прифатат и немаат аргумент. Па, кога ќе покренам некое прашање во Брисел, на пример – да видиме на професионална, фактичка основа дали санкциите против Русија функционирале или не, дали санкциите ни наштетиле повеќе – одговорот не е:
„Добро, ајде да процениме, анализираме“ и да му покажат на Петар дека греши“. Не, нивниот одговор е дека јас сум марионета на Путин“.
Значи, нивото на интелектуалност во европските политички дебати е многу ниско сега, бидејќи штом се обидете малку да отстапите од мејнстримот или да одите против него, веднаш ве сметаат за руски шпион, пријател на Путин, пријател на Лавров, пропагандист на Кремљ итн.
Да не беше трагично, би се смеел. Но, ова ја води Европа кон трагедија, за жал, бидејќи Европа станува помалку конкурентна, Европа станува помалку безбедна, Европа станува помалку привлечна“, изјави и Сијарто.