Свет

Во Португалија приведени 37 неонацисти

Португалската полиција приведе 37 лица осомничени дека се дел од организација, која ширела неонацистичка, расистичка и ксенофобична пропаганда и користела говор на омраза против имигрантите

1 минута за читање

Португалската полиција приведе 37 лица осомничени дека се дел од организација, која ширела неонацистичка, расистичка и ксенофобична пропаганда и користела говор на омраза против имигрантите.

Осомничените, на возраст меѓу 30 и 54 години, имаат историја на сериозни кривични дела и врски со меѓународни групи кои промовираат омраза, соопшти полицијата. Петнаесет од приведените веќе биле обвинети.

Во операцијата спроведена низ цела земја учествувале околу 300 полицајци, кои извршиле претреси на 65 локации, при што е запленет е пропаганден материјал поврзан со крајната десница, како и оружје.

Според полицијата, приведените создале криминална организација, чија цел била да промовира говор на омраза и насилство врз расна основа.

Според локалните медиуми, групата била поврзана со затворениот Марио Мачадо, познат во Португалија по расистички дела придружени со насилство. Жртвите на криминалната група беа претежно имигранти од муслиманските земји во Јужна Азија.

Бројот на странци изминатите години нагло се зголеми во Португалија со доаѓањето на голем број работници од Индија, од Бангладеш и од Пакистан. Во Португалија на крајот од 2024 година бројот на странци надмина 1,5 милиони луѓе, што е што е околу 15 проценти од вкупното население на земјата. Изминатите години забележан е пораст на ултрадесницата во земјата.

Поврзани теми:

избор|полиција|Португалија|неонацисти

Повеќе на оваа тема:

Најнови вести од: Свет

Во Кина пробиена планина долга 22 километри и се изгради најдолгиот автопатски тунел!

Кина го пушти во употреба најдолгиот автопатски тунел во Азија, долг 22,13 километри, кој минува низ планините во покраината Гуиџоу. Тунелот „Тјаншан Шенгли“, со модерно осветлување и бетонска конструкција, веќе се смета за едно од најзначајните инженерски остварувања во регионот.

„Политико“: Пука обединетиот европски фронт против Трамп – се разоткриваат старите линии на внатрешниот расцеп во ЕУ

„Лидерите на ЕУ се подготвуваат за големи борби околу прашања, кои се движат од заеднички одбранбени проекти до економски реформи, но обидот за олабавување на зависноста на Европа од Америка на Доналд Трамп открива длабоки поделби меѓу 27-те земји на блокот. Обновената желба да се намали зависноста од Вашингтон ги исфрла на површина познатите несогласувања пред самитот на лидерите на ЕУ во четврток.“ – објави денес аналитичкиот портал за европски прашања „Политико“ од Брисел во анализата со наслов „Настојувањето на Европа да оди сама ги разоткрива старите линии на нејзиниот внатрешен расцеп и на грешките“.

Десет мртви и 27 повредени во оружен напад во средно училиште во Британска Колумбија, Канада

Десет лица се убиени, вклучувајќи го и напаѓачот, вчера, на 10 февруари, во оружен напад во средно училиште во градот Тамблер Риџ, во Британска Колумбија, во Канада. Во училиштето има 160 ученици од 7 до 12 одделение на возраст од 12-18 години. ‘Полицијата спречила оваа ужасна трагедија да стане уште полоша.’.  објавија властите. Би-Би-Си јави дека пукањето се случило околу 13:20 часот по локално време.

Хрватска: Калуѓерката лажела дека била напднта со нож од мигрант

Обвинителството бара казна од 10 месеци затвор за калуѓерката Т.З. (35), условна казна од три години, откако е обвинета за лажно пријавување кривично дело, бидејќи поднела кривична пријава против непознат напаѓач иако самата нанела повреди со нож
Сите вести од Свет

Најнови вести

To top