Украинскиот претседател Володимир Зеленски објави дека украинското оружје уште еднаш навлезе во руската одбрана и погоди стратешки цели на голема оддалеченост од границата со Украина.
„По втор пат нашите санкции, како одговор на руското продолжување на војната, стигнаа до рафинеријата за нафта во Уфа, една од најголемите руски капацитети од тој тип.
Растојанието на оваа цел е повеќе од 1.300 километри од линијата на фронтот“, рече Зеленски, приложувајќи видео снимка од погодената руска рафинерија од која се крева столб од чад.
Покрај огромната рафинерија за нафта во Уфа, украински беспилотни летала и проектили успешно нападнаа уште една критична точка на воената машинерија на Путин, овој пат во регионот на Пенза.
„Нашето оружје стигна до стратешки објект на рускиот воено-индустриски комплекс во регионот на Пенза. Тоа се објекти кои се директно вклучени во развојот и производството на компоненти за ракетно оружје – истите оние што окупаторите ги користат за да ги погодуваат нашите градови и заедници секој ден“, објасни украинскиот претседател, додавајќи дека оваа воена фабрика е на околу 600 километри од линијата на фронтот.
Зеленски нагласи дека Украина нема да се откаже од стратегијата за пренесување на војната на територијата на агресорот и овие удари ги нарече „украински санкции од долг дострел“.
„…Ова е сосема праведен одговор на сè што прави Русија против нас. Мирот е неопходен и токму тоа треба да го разбере руското раководство. Русија мора да ја прекине војната, а нејзиното раководство ги има сите можности да го стори тоа“, заклучи Зеленски.
For the second time, our sanctions in response to Russia’s prolongation of the war have reached the oil refinery in Ufa, one of Russia’s largest producers of lubricants. The distance is more than 1,300 kilometers from the frontline.
Also in the Penza region, our weapons reached… pic.twitter.com/6XB9jPpCoY
— Volodymyr Zelenskyy / Володимир Зеленський (@ZelenskyyUa) July 1, 2026