Мицкоски: Подготвени сме за разговор со Софија, но јасни се ставот на Владата и црвените линии! Предавства и капитулации нема да се случуваат!
„Пред осум години кога менувавме имиња и презимиња ни велеа дека сме ‘фронт ранери’ (предводници). И кога ќе смениме име и презиме за 3-4 години ќе сме во Европската Унија. Изминаа тие 3-4 години, но кај сме денес? Онаму кај што бевме пред 25 години. Најдобри ќе бидеме, ако го смениме уставот и уште ако може да не сме Македонци, да сме нешто друго – најдобри ќе бидеме, онака како што некој ни прави булинг (агресивно однесување и насилство) и сака да ја запре Македонија да напредува во Европската Унија. Оваа Влада нема да го дозволи тоа.“ – нагласи премиерот на Република Македонија Христијан Мицкоски денес во одговор на новинарски прашања по поставувањето камен-темелник на нова спортска сала во ООУ „Блаже Конески“ во Општина Аеродром.