Тема: министер за внатрешни работи Панче Тошковски

Тошковски за истрагата за фалсификуваните возачки дозволи: Судството да спречи вакви кривични дела, да не одлучува како во минатото!

Вкупно 27 лица опфати истрагата за фалсификувани возачки дозволи, против кои е поднесена кривична пријава поради сомнение за незаконско внесување категории во возачки дозволи, нивно издавање и употреба. Министерот за внатрешни работи Панче Тошковски синоќа во интервју за МТВ нагласи дека сега на потег се Обвинителството и Судот, кои, како што рече се надева дека ќе донесе законита и праведна одлука, која превентивно ќе дејствува во иднина.

Тошковски во посета СВР Тетово: „Безбеден град“ дава резултати, три жртви во сообраќајот наспроти девет минатата година

Министерот за внатрешни работи Панче Тошковски денеска во Тетово оствари средба со ректорот и раководството на Државниот универзитет во Тетово. Потоа во Секторот за внатрешни работи Тетово разговараше со раководството за безбедносната состојба, проблемите и резултатите од работењето.

Намалување на вкупниот криминалитет: сузбиени над 30 организирани криминални групи за две години!

Република Македонија денес го има најниското ниво на криминалитет во последните 20 години. Во изминатите две години бележиме намалување на вкупниот криминалитет, постигната е вкупна ефикасност од 69 проценти, а значително е зголемен и бројот на откриени сторители. Ова го истакна министерот за внатрешни работи Панче Тошковски на денешниот отчет за сработеното на МВР во изминатите две години. Според него, овие резултати се потврда за посветената работа на полициските службеници, подобрената координација и навременото постапување на терен.

Денес Тошковски ќе даде отчет за сработеното во изминатите две години, откако пред три дена пропадна третата интерпелација против него

Министерот за внатрешни работи Панче Тошковски денеска ќе даде отчет за сработеното во изминатите две години. Настанот, како што информираат од Министерството за внатрешни работи, ќе се одржи во Центарот за обука во Идризово со почеток во 9 часот.

Тошковски: Интерпелацијата од Левица е обид за блокирање на борбата против криминалот!

Министерот за внатрешни работи Панче Тошковски ја оцени интерпелацијата поднесена од Левица како политички мотивиран обид за попречување на процесите за борба против криминалот и корупцијата. Интерпелацијата е на дневен ред на денешната собраниска седница, пренесе МИА. Во објава на социјалните мрежи, Тошковски посочи дека станува збор за трета интерпелација против него за помалку од две години и оцени дека зад иницијативата стојат политички, а не суштински мотиви. -Левица ја најави третата интерпелација против мене за помалку од две години. Како и претходните две, и оваа беше претставена преку режирана прес-конференција, повеќе како политички настап отколку како иницијатива заснована на аргументи – наведе Тошковски.

Тошковски за моторџиите, кои лудуваат на едно тркало: Ќе ги изгориме! Ќе останат и без мотори и без можноста да глумат моторџии!

Министерот за внатрешни работи Панче Тошковски најави засилени контроли и строги мерки против моторџии кои, како што рече, дивеат низ градовите и не ги почитуваат сообраќајните правила. Тој направи разлика меѓу, како што ги нарече, „вистински моторџии“ и оние кои „глумат моторџии“.

Тошковски до Пашоли: Како ви текнува, се будите од сабајле и оп, сејф сити само Албанците ги фаќа?!

Министерот за внатрешни работи Панче Тошковски, денеска во Собранието одговараше на прашања од пратеничката Арбана Пашоли. „Многу ми е жал што не можете да излезете од оној вакум на етнички предзнак кога говориме за професионалност, кога говориме за системски реформи, кога говориме за сејф сити, па велите само Албанците ги фаќала камерата. Кај ви текнуваат овие работи? Стварно не ми е јасно. Камерата на сејф сити фаќала само Албанци. Јас не знам, тој што ви ги дава идеите, што ги смислува приказните ,значи, стварно, ако го плаќате, престанете да го плаќате, смислете нешто сами, верувајте ми дека ќе бидете поефикасни.“ – рече министерот Тошковски.

Специјалната противтерористичка единица „Тигар“ – 45 години во служба на безбедноста на татковината Македонија и граѓаните, симбол на врвна професионалност и храброст!

„Денеска одбележавме 45 години од создавањето на Специјалната антитерористичка единица „Тигар“ – симбол на професионалност, храброст и врвна подготвеност на македонската полиција, напиша на фејсбук министерот за внатрешни работи Панче Тошковски.

Тошковски: Борбата против криминалот и корупцијата се води неселективно, законот важи за сите – Институциите постапуваат врз основа на докази

Осврнувајќи се на повеќе актуелни безбедносни прашања, во емисијата „Вечерно шоу со Богдан Илиевски“ на ТВ Алфа телевизија министерот за внатрешни работи Панче Тошковски ја нагласи решителноста на институциите во борбата против криминалот и корупцијата, како и потребата доследно да се почитува владеењето на правото.

Најнови вести

To top