Тема: Република Македонија

По 25 години Советот на Европа прекинува да го набљудува владеењето на правото во Македонија

„Во Париз на 9 декември 2025 година се одржа состанок на Мониторинг-комисијата на Парламентарното собрание на Советот на Европа, на кој беше усвоена нацрт-резолуција за затворање на пост-мониторинг дијалогот со Република Македонија.“ – информираат од Собранието на Република Македонија.

Муцунски во Обединетите Арапски Емирати, нови инвестиции и заеднички проекти, кои ќе ја зајакнат економската поврзаност меѓу двете земји

Потврдени одлични заемни односи меѓу Република Македонија и Обединетите Арапски Емирати и истакнат растечкиот потенцијал за продлабочување на соработката.

Таналари: Дали меѓународниот чинител е рамнодушен кон уставните промени, или има стратегија за помек притисок и јасни очекувања за реформи?

„Релативната тишина од страна на меѓународната заедница во врска со уставните промени создаде простор за расправа на домашната политичка сцена. Некои политичари го толкуваат тоа како знак дека меѓународната заедница не сака да се меша во толку чувствително домашно прашање. Други веруваат дека станува збор за нова стратегија: помек притисок, но со јасни очекувања за реформи.“ – наведува во својата колумна Африм Таналари, новинар во Албанската редакција на Радио Скопје.

Муцунски: Политичките блокади ја поткопуваат доверливоста на проширувањето на ЕУ

Министерот за надворешни работи и надворешна трговија Тимчо Муцунски во Виена истакна дека Македонија е доверлив партнер на Европската унија и оти придонесува кон европската безбедност и енергетска стабилност.

Николовски: Одамна заслуживме да ги почнеме преговорите за членство, ЕУ да постави јасна визија за Македонија!

„Во однос на уставните измени клучно прашање е дали нивното усвојување е последниот услов, или пак за неколку години повторно ќе ни се стави вето. 
Мора да има извесност во процесот и мора да знаеме кога ќе почнеме да преговараме и кога ќе ги завршиме преговорите, нормално доколку ги реализираме реформите, коишто ги бара ЕУ.“ – истакна вицепремиерот и министер за транспорт Александар Николоски во интервју за МИА во Брисел, каде учествуваше на „Самитот ЕУ-Западен Балкан“ во организација на тинк тенкот Пријатели на Европа.

Си-Eн-Eн за Македонија: Прекрасната земја на југот од Европа со слоевита историја од византиската и османлиската до југословенската ера

„Земјата со 2 милиони жители, што е малку поголема од Вермонт, сè уште не ги доживеала толпите туристи што го задушуваат поголемиот дел од Јужна Европа секое лето. Оние, кои се вклучени во туристичката индустрија, се претпазливи во привлекувањето на таков вид масовен туризам, што би можело негативно да влијае на квалитетот на животот на жителите. Но, тие знаат дека земјата има многу да понуди и оти туристичкиот сектор сè уште има простор за раст. Опкружена со гребени и врвови, кои нудат пејзажи, што го опфаќаат целиот спектар на четири годишни времиња – од зелени падини до снежни карпи – С.Македонија нуди можност за избирање на патот, по кој поретко се оди како дестинација во Јужна Европа.“ –  ова е почетокот на репортажата на американската глобална телевизија „Си-ен-ен“ за Република Македонија, објавена вчера.

Ѓурѓај за 70. број на весникот „Илинден“: Ќе продолжиме со темите за подобрување на животот на Македонците надвор од Македонија

Излезе од печат јубилејниот 70-ти број на весникот „Илинден“ кој наидува на голем интерес кај македонската читателска публика во Албанија, во Македонија, но и меѓу македонското иселеништво во светот.

Нацрт-заклучоците на Советот на ЕУ за промената на македонскиот устав ги кршат резолуциите на ООН и Договорот од Мастрихт, затоа се ништовни

Советот на ЕУ ја повикува Македонија да изврши промена на својот Устав во согласност со „Добрососедскиот договор“ со Бугарија и протоколите кон него, Преговарачката рамка и „францускиот предлог“, кои содржат категорично тврдење-фалсификат дека македонскиот народ, македонскиот јазик, идентитет и историја имаат „бугарски историски темели“. Тоа претставува целосно негирање на етничката, идентитетската и јазичната засебност на македонскиот народ. Декларацијата на ООН за недопустливоста на интервенирањето и вмешувањето во внатрешните работи на државите целосно ги заштитува македонскиот јазик и идентитет, како и македонската историја, од какви било и чии било обиди за негирање, или присвојување. Таа декларација строго забранува завлегување во идентитетскиот комплекс на кој било народ, што значи и на македонскиот народ. Токму ова го прават Советот на ЕУ и Бугарија! Членка на ООН е и Македонија: и за неа во еднаква мера важи применливоста на резолуциите на ООН. Според нив, ниту ЕУ, ниту Бугарија, Грција, или која било друга држава, немаат право да се мешаат во внатрешните и надворешните работи на Република Македонија, ниту да ѝ наложуваат да го менува Уставот во замена за „отворање на преговорите со ЕУ“. 

Сиљановска-Давкова: Во бугарскиот устав нема Македонци, а бараат да внесеме во нашиот устав „дел од бугарскиот народ“?!

Во однос на барањето излезни решенија претседателката на Република Македонија Гордана Сиљановска-Давкова посочи дека е доволно е да се фрли поглед на уставните гаранции во бугарскиот Устав и да се споредат со уставните гаранции во нашиот Устав, за да се види, како што нагласи, „огромна недоследност“. „Јас би била прва, што ќе бара уставни измени, ако правата на бугарското малцинство кај нас се загрозени. Меѓутоа не јас, туку телото, што го создаде Советот на Европа, а на чии одлуки се повикуваат и ЕК и Европскиот совет, тоа е Венецијанската комисија, јасно кажува дека ние немаме уставни проблеми во поглед на заштитата на правата на малцинствата, бидејќи сме ги вградиле во Уставот највисоките стандарди преку интегрирање на Рамковниот договор во Уставот, а тој е во преамбулата посочен за разлика од нашиот сосед.“ – укажа Сиљановска-Давкова.

Муцунски – Ландау во Брисел: Потврдено македонско-американското стратегиско партнерство

Министерството за надворешни работи и надворешна трговија на Република Македонија нагласува дека на средбата двајцата соговорници ги потврдиле блиските и пријателски односи меѓу двете земји, како и силната и конструктивна соработка со САД како македонски стратегиски партнер. „Разговорите опфатија и теми поврзани со улогата на САД во стабилноста и развојот на Западниот Балкан. Нагласка беше ставена на соработката во рамките на НАТО и нејзината важност за колективната безбедност.“ – посочува Министерството.

Муцунски: Посветеноста на Македонија на европскиот пат е геостратегиска неопходност за стабилен, сигурен и просперитетен регион.

Министрите за надворешни работи на земјите-членки на Централноевропската иницијатива (ЦЕИ) уште еднаш ја потврдија важноста на ЦЕИ како стабилна платформа за продлабочување на соработката во сите области од заемен интерес.

Петрушевска: Важната порака од Форумот во Тирана е дека лидерите од Западниот Балкан разговараа со Кос за придвижувањето на евроинтеграцијата

„Ние остануваме целосно посветени на исполнување на реформската агенда и забрзување на реформските процеси, што е важно за државата и нејзиниот европски пат.“ – нагласи Марија Петрушевска, пратеничка од ВМРО-ДПМНЕ, синоќа во емисијата „Топ Тема“ на ТВ Телма.

Најнови вести

To top