Тема: ВМРО-ДПМНЕ

ВМРО-ДПМНЕ: Да ставиме крај на манипулациите на СДСМ за наводните мигранти

ВМРО-ДПМНЕ јавно ги осудува политиките и одлуките на поранешната Влада на Зоран Заев, со која беа отворени можности за создавање на кампови за мигранти, спротивно на националните и државните интереси

45 жртви, а Спасовски си молчел: ВМРО-ДПМНЕ со тешки обвинувања за техничкиот преглед на автобусот на „Беса транс“

ВМРО-ДПМНЕ упати сериозни обвинувања кон пратеникот на СДСМ и поранешен министер за внатрешни работи, Оливер Спасовски, тврдејќи дека како прв човек на МВР правел злоупотреби наместо да ги спречува и дека профитирал од фирма која дала зелено светло за технички преглед на автобусот на „Беса транс“, кој се запали во Бугарија, при што загинаа 45 македонски граѓани.

Митева: Македонија не смее назад, нападот на СДС врз слободните медиуми мора да биде осуден

Како човек кој секојдневно е во директна комуникација со Вас, медиумите и новинарите, чувствувам обврска јавно да реагирам. Премолчувањето во вакви ситуации би значело дека се откажуваме од одговорноста што ја имаме кон јавниот интерес и медиумската слобода.

Филипче глуми патриот против мигранти, а во владата на Заев туркал мигрантски камп во Бардовци

Венко Филипче денес глуми загрижен патриот, додека во владата со Заев ги распродаваа националните интереси и активно работеа за носење мигранти во Македонија, се вели во партиското соопштение на владејачката ВМРО-ДПМНЕ.

Нема кампови, ќе има пријави: Мицкоски со тврд став против СДСМ и паниката која ја создадоа меѓу граѓаните

Советниците на ВМРО-ДПМНЕ следната недела ќе достават документи до општинските совети со кои ќе се гарантира дека нема да се градат мигрантски кампови, најави премиерот Христијан Мицкоски.

ВМРО-ДПМНЕ: Нема мигранти додека е Филипче во опозиција

Венко Филипче, кога беше министер во владата на Заев, активно работел на отворање на мигрантски камп во Бардовци со што го прави единствениот актуелен политичар кој работел на населување на мигранти во Македонија

Милошоски: Нема мигранти, туку „партиски мигранти“ – бегалци од СДСМ, кој манипулира со темава, за да ги прикрие внатрешните проблеми!

Пратеникот од ВМРО ДПМНЕ Антонио Милошоски изјави во емисијата „Само интервју“ на ТВ Канал 5 дека не постои никаков документ, барање, или тема, наметната од Велика Британија во врска со мигранти и оти би било целосно одбиено такво барање, ако постои. „Јавноста може да биде спокојна. Ниту постои барање, ниту ќе се прифати било какво барање за мигранти. Темата е политичка манипулација на СДСМ, за да ја покрие внатрешната слабост и празнина: нема кадар, нема идеи, нема луѓе за расправи.“ – нагласи Милошоски.

Оливер Спасовски овозможил противзаконско богатење на фирма во Сарај за 5,5 милиони денари (ВИДЕО)

Оливер Спасовски овозможил противзаконско богатење на фирма во Сарај, со што фирмата се здобила со противправна имотна корист во висина од над 5,5 милиони денари, изјави Валентин Манасиевски, член на ЦК на ВМРО-ДПМНЕ.

ВМРО ДПМНЕ: Филипче е единствениот, кој сакал да донесе мигранти и како министер на Заев работел да се отвори мигрантски камп во Бардовци! (Видео)

„Единствениот актуелен политичар, кој работел на населување мигранти во Македонија е Венко Филипче. Активно како министер во Владата на Заев во 2018 година Филипче учествувал во донесувањето План за проект за изградба на прифатен центар за мигранти во Бардовци. Во ‘Службен весник на Република Македонија’ на 26.01.2018 година, број 16, страна 189, точка 1.6, пишува: ‘Изработка на државно урбанистичко-планска документација за прифатен центар на странци за потребите на Секторот за гранични работи и миграции при Министерството за внатрешни работи на катастарска парцела бр. 35, запишана во имотен лист бр. 2140 за Катастарска општина Бардовци.’. Ова било поминато на Влада и за тоа Венко Филипче гласал со две раце. Овие мигранти, кои тогаш Филипче сакал да ги прими, се истите тие мигранти, кои сега прават проблеми во Европа. Да не беше притисокот од ВМРО-ДПМНЕ тогаш, денес ќе имаше мигранти во Македонија. Венко Филипче и СДС имале партиска и државна политика за населување мигранти. И овој покажан документ е доказ за тоа. Сè додека Филипче е во опозиција, во Македонија мигранти нема да има. Ваквото манипулаторство значи дека крадецот вели ‘Држете го крадецот!’. Така е кога човек со сомнителен морал се прикажува како праведник, а бесчесник-криминалец се претставува како чесен адвокат на правдата.“ – изјави Миле Леков, пратеник во Собранието на Република Македонија и член на Извршниот комитет на ВМРО ДПМНЕ.

ВМРО ДПМНЕ: Забеганиот Филипче да заздрави побргу и да не живее во паралелен универзум! Мигранти нема да има!

„Венко Филипче прашува дали ВМРО ДПМНЕ ќе потпише резолуција, која СДС ќе ја предложи за непостојната тема мигранти? Филипче, таква резолуција немате подготвено, ниту доставено. Затоа не можеме да потпишеме ништо. Но, треба да се види во резолуцијата што пишува внатре, можеби ќе пишува изградба на мигрантски камп како во 2018 година, кога токму Филипче гласал за изградба на ваков камп„ – реагираше ВМРО ДПМНЕ денес.

Петкоска: 32 милиони и 260 илјади денари повеќе во Буџетот за 2026 година за промоција и поддршка на туризмот и културата

Буџетот е крвната слика на државата, стратешки документ во кој се насликани приоритетите на граѓаните. Сите знаеме дека закрепнувањето на економијата е најважната работа која влијае врз животниот стандард, рече пратеничката од ВМРО-ДПМНЕ, Лидија Петкоска на денешната собраниска седница на која се дискутира за Предлог-буџетот за 2026 година.

ВМРО-ДПМНЕ: СДС како расипана плоча, едно те исто секој ден, мигранти во Македонија нема да има

ВМРО-ДПМНЕ и денеска категорично ги отфрли тврдењата на СДСМ дека во земјата се подготвуваат аранжмани за прифаќање мигранти, оценувајќи дека опозициската партија „секојдневно ја бомбардира јавноста со исти невистини“.

Најнови вести

To top