Архива за: 22.02.2026

Законот за високо образование отворен за аргументирани забелешки, но не и за дискусии под академско ниво

Годинава во образованието се вложени околу 114 милиони евра, а во науката 12,5 милиони евра. Дека предложениот закон е прогресивен и има за цел значително унапредување на квалитетот на високото образование во државата, смета и академската фела. Според дел од професорите, со овој закон ќе се доближиме до другите развиени земји. Законот ќе биде поставен на ЕНЕР до последниот, 30-ти ден, по што ќе се разгледаат забелешките, за кои работната група смета дека се прифатливи, а потоа оди во владина процедура.

(Фото): Македонија и Унгарија ги зајакнуваат врските на регионалниот развој и ЕУ политиките, рече Перински

Во фокусот на разговорите беше размената на искуства за поефикасно и целосно искористување на програмите на Европската Унија, како и поддршка на вклучувањето на Македонија во нови европски програми. За Министерството за локална самоуправа, оваа соработка има особено значење во насока на унапредување на регионалниот развој, пренесување на знаење со цел зајакнување на институционалните капацитети и пристапот до европски фондови.

(Видео): Пак ќе треба да се извинуваат, премиерот лут на СДСМ оти го мешале неговото семејство

Некаде треба да стигнете побргу и да се вратите побргу бидејќи имате обврски, а од друга страна имаме опозиција која е изгубена во своето политичко мочуриште. Повторно ни криви ни должни го мешаат моето семејство. Моето семејство беше таму, им се придружив, наместо три останав четири дена и пред нив се вратив со шефот на моето обезбедување, рече Мицкоски во однос на патувањето со владиниот авион во Сплип.

(Фото): Се стега обрачот за издавање на потрошувачки кредити, банките ги заоструваат условите

Анализирано на годишно ниво, вкупните депозити се зголемени за 10,5%, во поголем дел поради зголемувањето на депозитите на секторот „домаќинства“. На годишна основа, вкупните кредити се зголемени за 13,6%, под влијание на растот на кредитите кај двата сектора, со поизразен придонес на корпоративниот сектор.

ДВ: Владиниот авион во расчекор со технологијата – заложби за купување нов авион доаѓале и од кадри на СДСМ пред седум години!

Додека СДСМ ја обвинува власта за „ пуста желба за поголем и нов авион за луксузирање“, медиумските архиви сведочат дека заложби за купување нов владин авион доаѓале и од кадри на СДСМ пред седум години, во периодот кога оваа партија ја предводеше Владата. Во заложбата „за“ нов авион биле приложени сериозни аргументи, во кои доминираат предупредувања за технолошката застареност на владиниот „лирџет 60“. Како еден од клучните проблеми и тогаш се сметал недостигот на резервни делови за авионот и постојаните поправки со репарирани делови. Ова го објави Македонската редакција на Дојче Веле.

Дваесетгодишник од тетовска Мала Речица под истрага за тероризам – се подготвувал да нападне со огнено оружје како во 2012 во САД, кога биле убиени 26 лица!

Јавен обвинител од ОЈО ГОКК донесе наредба за спроведување на истражна постапка против дваесет годишен жител на Мала Речица за сторено кривично дело Тероризам. Осомничениот на крајот на месец јануари годинава преку социјалната апликација „Discord“ испратил сериозна закана дека е подготвен да изврши напад со огнено оружје – автоматска пушка АК-47 позната како Калашников, притоа појаснувајќи дека истиот е со нарушено психичко здравје. Инспирација за ваков напад, му бил настан од 14.12.2012 година во САД кога Адам Ланца, 20 годишно момче, во училиште во САД со автоматска пушка убило 26 лица од кои 20 деца.

Трагедија во Петровец: градежниот работник Е.А. (23) од Велес вчера почина, откако паднал врз него тежок профил при градба на објект

Несреќата се случила во индустриска зона на подрачјето на општина Петровец, при изведување работни задачи на објект во изградба на фабрика. Според МВР, Е.А. од здобиените повреди починал на самото место.

„Падна“ првата оставка во новата техничка влада на Бугарија – се повлече вицепремиерот Цицелков

Новата техничка влада што вчера стапи на должност, веќе остана без еден вицепремиер – Стоил Цицелков, вицепремиерот за фер избори. Цицелков денеска поднесе оставка по информацијата дека бил уапсен поради возење под дејство и поради користење марихуана. Случајот почна од парламентот вчера, кога пратениците го нападнаа Цицелков со информациите за апсењето и уживањето марихуана.

По бруталното убиство во Челопек Т.Б. (25) лишен од слобода, истрага дали е поврзан и со други убиства во Кумановско!

СВР Куманово поднесе кривична пријава до Основно јавно обвинителство Куманово против Т.Б. (25) од Куманово, поради основано сомнение дека сторил кривично дело убиство. Според пријавата, во периодот од 27 јануари до 12 февруари 2026 година, во селото Челопек, општина Старо Нагоричане, осомничениот со умисла на свиреп и подмолен начин лишил од живот жена родена во 1947 година. Ја искористил околноста што таа живеела сама, била стара и немоќна, па додека спиела во својот дом физички ја нападнал и ѝ нанел повеќе тешки телесни повреди од кои починала.

ВМРО ДПМНЕ: Ленче Ристоска да не глуми и да не лобира кај наши функционери, поминаа времињата на СЈО!

„Ленче Ристоска која е навикната на подобноста од времето на Специјалното јавно обвинителство, мора да знае дека ова се други времиња и потребни се лица со интегритет, професионалност и одговорност да извршуваат функција на државен јавен обвинител.“ – реагира ВМРО ДПМНЕ.

Најнови вести

To top