Министерката Весна Јаневска е подготвена да ја плати политичката цена за Законот за високо образование.
,,Ако треба да се плати цената, ќе се плати, законот нема да го повлечам”, вели министерката на прашањето за реакциите од јавноста кој може да бидат контрапродуктивни за владата која турка повеќе закони кои наидоа на отпор кај дел од граѓаните: Сејф Сити, Законот за пушење…
Во ,,Утринско Еспресо” на Радио Лидер Јаневска вели дека не се повлекува од Законот затоа што е убедена дека следните генерации ќе бидат благодарни што некој министер донесол ваков закон.
Таа е убедена дека Законот ќе функционира во пракса и вели дека доколку се утврди дека не функционира ќе бидат носени измени за да биде функционален.
Министерката не очекува законот да добие вето од претседателката Сиљановска-Давкова која потекнува од Правниот факултет во Скопје од каде доаѓаат најголемите критики за законот.
Таа во емисијата расчистува голем дел од нејаснотиите кои беа присутни во јавноста во врска со законот.