Средовечна жена од Чешка која не го открива својот целосен идентитет преку социјакните мрежи го бара својот биолошки татко, Македонец од Охрид.
Неговото име е Ангел а сега би требало да има околу 78 години.
,,Здраво на сите во Охрид! Се надевам дека ќе ми помогнете во една важна животна потрага”, пишува Чехинката која дава детали за својот татко со кого никогаш не била во контакт а сега ви сакала да се поврзе со него или со неговото семејство.
,,Го барам мојот биолошки татко, или неговото семејство. Тој е од Охрид и се вика Ангел (или Ангело). Роден е околу 1948 година. Во 1973 година (кога имал околу 25 години) работел во Чехословачка, во фабриката за хартија во градот Штети (Štětí).
Ако некој го познава овој човек, или се сеќава на некој Ангел од Охрид кој во 70-тите години работел во Чехословачка, ве молам пишете ми порака. Секоја информација многу би ми значела. Ви благодарам однапред од срце”, пишува во јавната објава.
На ред се Охриѓани или Македонци кои пред 53 години познавале човек со име Ангел кој работел во Чешка.
Апелот од чехинката и на чешки јазик:
Ahoj všem, obracím se na vás s velkou prosbou o pomoc. Nedávno jsem se dozvěděla, že můj biologický otec pochází z Ochridu (jméno Angel/Angelo, nar. cca 1948) a v roce 1973 pracoval v papírně ve Štětí. Protože jsou v této skupině lidé s přímými vazbami na Makedonii, chtěla bych vás poprosit, zda byste tento vzkaz nemohli nasdílet nebo se zeptat svých rodičů a prarodičů z Ochridu, jestli si na něj nevzpomenou. Níže přikládám text v makedonštině pro snadnější přeposlání. Moc děkuji za jakoukoliv pomoc nebo sdílení!