Во статијата на Ynet се забележува дека Мосад ги доставил информациите во време кога израелските безбедносни служби предупредуваат дека Иран е сè порешителен да извршува напади врз израелски цели низ целиот свет.
Во извештајот на грчкиот весник „Катимерини“ се наведува дека целта на планираниот атент бил „грчки бизнисмен од еврејско потекло“, кој работи за голема и позната компанија со седиште во Грција. Компанијата долго време е активна во технолошкиот сектор, а во последните години ги прошири своите активности за да вклучи и производство на воена опрема во соработка со израелската државна одбранбена индустрија.
Според информациите достапни до денеска од официјални и неофицијални извори, иранското разузнавање, преку посредник на Иранецот Едрис Џахангири Маванех, контактирало со Наџи Шарифи Зиндашти, наводен ирански нарко-бос, преку кого ги „ангажирало“ услугите на петтемина македонски државјани приведени.
„Нетпрес“