Македонија

Велковски: Во владина постапка се измените на Законот за детска заштита, од 2027 поголема поддршка за децата со посебни потреби

Измените на Законот за детска заштита веќе се во владина процедура, каде се предвидува зголемување на постоечките државни износи за поддршка, со посебен фокус на децата со посебни потреби, изјави министерот за труд и социјална политика и млади, Ѓоко Велковски одговарајќи на пратенички прашања во Собранието, нагласувајќи дека се очекува овие измени брзо да ја […]

Измените на Законот за детска заштита веќе се во владина процедура, каде се предвидува зголемување на постоечките државни износи за поддршка, со посебен фокус на децата со посебни потреби, изјави министерот за труд и социјална политика и млади, Ѓоко Велковски одговарајќи на пратенички прашања во Собранието, нагласувајќи дека се очекува овие измени брзо да ја поминат собраниската процедура и од 1 јануари 2027 година децата од оваа категорија да добијат зголемени средства.

Одговарајќи на пратеничко прашање од Сали Мурати од „Европски фронт“, до каде е најавената реформа на системот на детски додаток и од кога ќе почне примената на новиот модел, Велковски рече дека се разгледуваат сите можности и варијанти бидејќи ваквата реформа бара големи финансиски средства во услови на ограничени буџетски ресурси.

– Работиме континуирано да видиме кој од моделите треба да се преземе како таков и како по чекори да го изведеме комплетно да се воспостави овој универзален додаток – изјави Велковски.

Велковски, исто така, најави дека во рок од една до две недели Владата се очекува да донесе заклучоци со кои Министерството ќе пристапи кон донесување на нов Закон за родителство со прецизни чекори и мерки за поддршка на семејствата.

– Во делот на демографијата, како комплетно прашање, бидејќи таму се децата и детската заштита. Веќе е пратена информација во Владата, и таа за брзо време ќе биде со заклучоци, мислам дека за недела до две, каде што ќе се задолжиме како Министерство да донесеме нов Закон за родителство, каде што ќе се дефинираат и конкретни чекори во самиот закон согласно акцискиот план којшто ќе биде изгласан од страна на Владата. Во Законот за родителство се предвидуваат мерки и активности за поддршка на самите семејства и во тоа да имаат, да создадат семејство, да имаат дечиња и тие дечиња да имаат одредена заштита од страна на државата, односно поддршка – изјави Велковски.

Велковски, во одговорот, се осврна и на клучните активности, реформи и предизвици во сферата на детската заштита и демографијата кои ги прави министерството во изминатите четири месеци, откако ја презеде функцијата.

– Во делот на капиталните инвестиции, односно веќе ако претходно говоревме за овие две години за 40 детски градинки, денеска говориме веќе за 50 објекти коишто ќе бидат на располагање, коишто се започнати со реализација, започнуваат и се во програмите за реализација и во следните две години ќе бидат комплетно реализирани да бидат на располагање на опфатот на дечињата коишто го имаме во делот на детската заштита, односно од 0 до 6 години – изјави Велковски.

Со ова, според Велковски, се очекува да се расчистат листите на чекање за над 4.000 дечиња.

Велковски, исто така, нагласи дека во изминатите четири месеци од неговото раководење со ресорот интензивно се работи на воспоставување систем на комплетна грижа и поддршка за секое дете, посочувајќи дека детскиот и образовниот додаток редовно се субвенционираат за дечињата од критичните категории кои се приматели на гарантирана минимална помош или имаат приходи под минималната плата, со цел ублажување на сиромаштијата.

Во однос на стратегијата и акцискиот план за демографија, Велковски, информираше дека таа веќе е одобрена и доставена во Влада и дека очекува за брзо време и таа да се најде во собранието на одобрување.

Најнови вести од: Македонија

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

УКИМ не платил сметки за струја, ако не се плати долгот – факултетите ќе останат во мрак

Дел од државните факултети и Ректоратот од утринава се во мрак поради неплатени сметки за електрична енергија. Ова за Телма го потврдија и од ЕВН. Без струја останаа Машинскиот, Електротехничкиот, Природно – математичкиот, земјоделскиот факултет, но и зградата на Ректоратот.

Николоски: Од 1 јануари 2027 државата ќе биде единствен организатор на интернет-игрите на среќа и ВЛТ терминалите

Владата останува на ставот за ограничување на игрите на среќа и веќе презеде конкретни законски мерки со кои се намалуваат можностите за нивно организирање, истакна заменик претседателот на Владата и министер за транспорт, Александар Николоски, одговарајќи на пратеничко прашање на Јована Мојсоска од Левица поврзано со работењето на Државна лотарија, односно дали Владата ќе иницира разрешување на директорот на Државна лотарија, Александар Климовски, како и дали ќе биде затворена платформата за онлајн коцкање „Мегавин“.

(Фото): Вештачката интелегенција е придобивка што мора да ја искористиме, рече Николоски

Во делот на дигитализација во секторот транспорт, Николоски истакна дека се работи на ИТС-системот во патниот дел, а веќе се разгледуваат опции и за употреба во железничкиот сообраќај.

Засечен прст на бебе при вадење инфузија во скопска Гинекологија ! Се отвора дисциплинска постапка, за да се утврди одговорноста!

Новороденче во Клиниката за гинекологија и акушерство (ГАК) се здобило со повреда на дел од прст, по што било префрлено на Клиниката за детска хирургија. Според првични и неофицијални информации, го засекла при вадење инфузија медицинска сестра, што работи повеќе од 20 години без никакви поплаки за нејзината досегашна работа.

Во Битола беа одбележани создавањето на Првата егејска македонска ударна бригада на 18 ноември 1944 и нејзиниот славен борбен пат

Со свежо цвеќе и пригодна програма беше денес одбележана 82 годишнината од формирањето на Првата егејска македонска ударна бригада пред спомен-плочата во Битола. Според податоците објавени на „Википедија“, оваа партизанска единица била формирана на 18 ноември 1944 година во селото Драгош, Битолско. Била формирана од дел од македонските воени единици што се одделиле од ЕЛАС и од дел од бригадата „Гоце Делчев“. Во нејзиниот состав влегле: Костурски, Лерински, Воденски и Придружен баталјон со тешкото вооружување.

Николоски: Се размислува за електронска наплата на патарините, ќе се наплаќа од километар

Се разгледува воведување електронска наплата на патарините на автопатите, без возилата да застануваат на наплатните станици. Вицепремиерот и министер за транспорт Александар Николоски вели дека се размислува патарината да се наплаќа по поминат километар и дека при изработката на законот ќе се побара експертска помош.

Во петок протест по претепувањето на Сара од Охрид

  „Доста беше од ветувања, молчење, молење и чекање. Бараме ОДГОВОРНОСТ, бараме ПРАВДА, бараме ПРАВА! Се гледаме на улица!“ порачаа од Неформалната иницијатива „Ниту една повеќе!“ која повикува во петок (20 ноември) на протест против фемицидот, насилството и институционалната неодговорност. Протестот е најавен во 13 часот пред Владата, а следи по последниот случај во кој […]

Најнови вести

To top