Македонија

Николоски: Од 1 јануари 2027 државата ќе биде единствен организатор на интернет-игрите на среќа и ВЛТ терминалите

Владата останува на ставот за ограничување на игрите на среќа и веќе презеде конкретни законски мерки со кои се намалуваат можностите за нивно организирање, истакна заменик претседателот на Владата и министер за транспорт, Александар Николоски, одговарајќи на пратеничко прашање на Јована Мојсоска од Левица поврзано со работењето на Државна лотарија, односно дали Владата ќе иницира разрешување на директорот на Државна лотарија, Александар Климовски, како и дали ќе биде затворена платформата за онлајн коцкање „Мегавин“.

Според Николоски, со измените на Законот за игрите на среќа се воведуваат построги ограничувања во однос на рекламирањето и локациите каде што можат да се организираат игрите на среќа, како и значително зголемување на давачките за приредувачите.

– Фактичката примена на законските измени почнува од 1 јануари. Од тогаш единствен субјект што ќе може да ги организира онлајн игрите на среќа ќе биде државата преку Државна лотарија, а истото ќе важи и за видеолотариските терминали (ВЛТ), каде што државата ќе биде единствен организатор преку еден субјект – одговори Николовски.

Тој посочи дека по формирањето на актуелната Влада биле укинати лиценците на три компании поврзани со организирање онлајн игри на среќа и платформата „ТуВин“, која била дел од „Казино Австрија“ и системот на ВЛТ терминали.

Николоски нагласи дека за овој случај се водат и судски постапки.

– Во тек е активна судска постапка против Артан Груби, Перпарим Бајрами и останатите обвинети. Очекувам судот во ефикасна постапка да ја заврши оваа работа и одговорните да сносат одговорност за стореното, рече тој. Осврнувајќи се на функционирањето на секторот за игри на среќа, рече Николовски и потенцира дека е неопходна строга државна контрола со цел да се спречи нелегално организирање и концентрација на пазарот.

Тој повика надлежните институции, вклучително и Обвинителството, Финансиската полиција и Финансиското разузнавање, да ги проверат сите наводи што се појавуваат во јавноста и кои се поврзуваат со работењето во оваа област.

 

Најнови вести од: Македонија

(Фото): Вештачката интелегенција е придобивка што мора да ја искористиме, рече Николоски

Во делот на дигитализација во секторот транспорт, Николоски истакна дека се работи на ИТС-системот во патниот дел, а веќе се разгледуваат опции и за употреба во железничкиот сообраќај.

Засечен прст на бебе при вадење инфузија во скопска Гинекологија ! Се отвора дисциплинска постапка, за да се утврди одговорноста!

Новороденче во Клиниката за гинекологија и акушерство (ГАК) се здобило со повреда на дел од прст, по што било префрлено на Клиниката за детска хирургија. Според првични и неофицијални информации, го засекла при вадење инфузија медицинска сестра, што работи повеќе од 20 години без никакви поплаки за нејзината досегашна работа.

Во Битола беа одбележани создавањето на Првата егејска македонска ударна бригада на 18 ноември 1944 и нејзиниот славен борбен пат

Со свежо цвеќе и пригодна програма беше денес одбележана 82 годишнината од формирањето на Првата егејска македонска ударна бригада пред спомен-плочата во Битола. Според податоците објавени на „Википедија“, оваа партизанска единица била формирана на 18 ноември 1944 година во селото Драгош, Битолско. Била формирана од дел од македонските воени единици што се одделиле од ЕЛАС и од дел од бригадата „Гоце Делчев“. Во нејзиниот состав влегле: Костурски, Лерински, Воденски и Придружен баталјон со тешкото вооружување.

Николоски: Се размислува за електронска наплата на патарините, ќе се наплаќа од километар

Се разгледува воведување електронска наплата на патарините на автопатите, без возилата да застануваат на наплатните станици. Вицепремиерот и министер за транспорт Александар Николоски вели дека се размислува патарината да се наплаќа по поминат километар и дека при изработката на законот ќе се побара експертска помош.

Во петок протест по претепувањето на Сара од Охрид

  „Доста беше од ветувања, молчење, молење и чекање. Бараме ОДГОВОРНОСТ, бараме ПРАВДА, бараме ПРАВА! Се гледаме на улица!“ порачаа од Неформалната иницијатива „Ниту една повеќе!“ која повикува во петок (20 ноември) на протест против фемицидот, насилството и институционалната неодговорност. Протестот е најавен во 13 часот пред Владата, а следи по последниот случај во кој […]

Четворица Албанци од Македонија планирале терористички напад во Грција по директиви од Иран

Според Агенцијата за национална безбедност на  Македонија, мрежата наводно дејствувала по инструкции на ирански државјанин по име Едрис Џахангири Маванех. Според Агенцијата, тој има врски со поединци блиски до иранските разузнавачки служби, како и со осомничениот трговец со дрога, Наџи Шарифи Зиндашти

Дебакл на протестот кој се обиде да си го присвои една политичка партија

„Улиците и протестите ни припаѓаат нам, граѓанските! ГНЕВОТ НЕМА ДА НИ ГО ЗЕМЕТЕ“, порачаа од Иницијативата, осудувајќи ги партиските упади и обидите за инструментализација на женското движење

Најнови вести

To top