Бизнис

Просечна плата од 88.787 денари во ИТ секторот, во угостителството само 35.447 денари – на што се должи тоа?!

Растот на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

Просечната месечна исплатена нето-плата по вработен во септември годинава изнесувала 49.141 денар и бележи зголемување од 8,1% во споредба со истиот месец лани, објави Државниот завод за статистика. Реалниот раст на просечната нето плата, пак изнесувал 5,2%. На ниво на целата економија, септемвриската нето-плата била повисока за 408 денари во однос на август и за 3.675 денари во однос на септември лани. И натаму на врвот на листата на исплатени плати се наоѓа ИТ секторот со просек од 88.787 денари, а на дното се сместувањето и услужните дејности со храна со 35.447 денари или највисоката просечна плата во земјава е  два и пол пати повисока од најниската. Изразено во бројки тоа е разлика од 53.340 денари.

Втор просек на нето плата го има финансискиот и осигурителниот сектор од  64.809 денари, а трет највисок просек на нето плата има рударството од 59.586 денари. Втора најниска просечна плата има во земјоделството од  38.534 денари , а трети се платите во секторот административни и помошни услуги каде што просекот е 39.693 денари. Државниот просек од 49.141 денар го земаат вработените во образованието каде што просечната нето плата изнесува 48.946 денари.

Според Статистика, зголемувањето на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

Раст на платите е регистриран и во секторот „административни и помошни услужни дејности за 10,6%, како и во „трговија на големо и трговија на мало; поправка на моторни возила и мотоцикли“ за 10%. Во споредба со август, зголемување на просечната месечна исплатена нето-плата е забележано во секторите „рударство и вадење камен“ за 6%, „преработувачка индустрија“ за 3% и „јавна управа и одбрана; задолжително социјално осигурување“ за 2,5%. Просечната бруто-плата по вработен во септември изнесувала 73.940 денари.

Најнови вести од: Бизнис

Басани од Светска банка: Народна банка е силна институција што придонесува за стабилен и отпорен банкарски сектор

Басани нагласува дека осумдесетгодишнината на Народната банка е потсетник дека силните институции се градат со постојани вложувања, професионализам и континуитет низ генерациите.

“Комерцијална” влегува во трка за купување на „Алта банка“

Првата јавна берзанска аукција е закажана за 30 ноември, со почетна цена од 3.777 денари по акција. Доколку акциите не се продадат, предвидени се дополнителни аукции на 1, 2, 3, 4 и 7 декември, при што почетната цена на секоја следна аукција ќе се намалува за 10 проценти во однос на претходната

Николоски пред Јапонската надворешна трговска организација: Македонија нуди најдобри услови за инвестирање од регионот

На средбата истакна дека очекува продлабочување на односите меѓу двете земји, како во поглед на трговската размена, така и во поглед на инвестициите и другите форми на економска соработка.

Kомерцијална банка влегува во трката за Aлта банка – донесена одлука за учество на берзанската аукција

Комерцијална банка повторно покажува интерес за битолската банка, откако претходно се обиде да ја преземе, но не успеа да обезбеди доволна поддршка од акционерите.

Нови 735.000 евра од унгарскиот кредит ставени на располагање на домашните компании

Нови 735.000 евра се префрлени од Централниот буџет кон Развојната банка за поддршка на инвестиции коишто ги реализираат домашните компании, информираа од Министерството за финансии.

To top