Бизнис

Камата 4,6%, рок до 1 декември – Граѓаните можат да запишат обврзници од 10.000 денари

Четвртата емисија на Граѓански обврзници предвидува каматна стапка од 4,6 отсто и рок на достасување од две години. Запишувањето се врши во деловните банки, а аукцијата е закажана за 3 декември.

Граѓаните имаат уште време да запишат Граѓански обврзници од четвртата емисија, а крајниот рок е 1 декември. Запишувањето се врши во филијалите и експозитурите на деловните банки во земјава. Од Министерството за финансии информираат дека граѓаните можат да запишат најмалку една Граѓанска обврзница, во износ од 10.000 денари. Каматната стапка на обврзниците од оваа емисија изнесува 4,6 отсто, а рокот на достасување е две години. Датумот на достасување е 11 декември 2028 година. Каматата за првата година ќе достаса на 11 декември 2027 година, а за втората година на 11 декември 2028 година.

Проспектот за четвртата емисија е објавен за вкупен износ од 100 милиони денари. Аукцијата за Граѓанската обврзница ќе се одржи на 3 декември. Министерството за финансии досега има издадено три емисии Граѓански обврзници. Првата беше издадена на 13 јули 2023 година, во износ од 23,5 милиони евра, а втората на 7 ноември истата година, во износ од 17,6 милиони евра. Третата емисија беше реализирана на 12 декември 2025 година, во износ од 33 милиони евра.

Граѓанските обврзници од првата и втората емисија, заедно со соодветната камата, се исплатени во целост.

Најнови вести од: Бизнис

Просечна плата од 88.787 денари во ИТ секторот, во угостителството само 35.447 денари – на што се должи тоа?!

Растот на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

Басани од Светска банка: Народна банка е силна институција што придонесува за стабилен и отпорен банкарски сектор

Басани нагласува дека осумдесетгодишнината на Народната банка е потсетник дека силните институции се градат со постојани вложувања, професионализам и континуитет низ генерациите.

“Комерцијална” влегува во трка за купување на „Алта банка“

Првата јавна берзанска аукција е закажана за 30 ноември, со почетна цена од 3.777 денари по акција. Доколку акциите не се продадат, предвидени се дополнителни аукции на 1, 2, 3, 4 и 7 декември, при што почетната цена на секоја следна аукција ќе се намалува за 10 проценти во однос на претходната

Николоски пред Јапонската надворешна трговска организација: Македонија нуди најдобри услови за инвестирање од регионот

На средбата истакна дека очекува продлабочување на односите меѓу двете земји, како во поглед на трговската размена, така и во поглед на инвестициите и другите форми на економска соработка.

Kомерцијална банка влегува во трката за Aлта банка – донесена одлука за учество на берзанската аукција

Комерцијална банка повторно покажува интерес за битолската банка, откако претходно се обиде да ја преземе, но не успеа да обезбеди доволна поддршка од акционерите.

To top