Македонија

Денес прес-конференција на министерката за образование Јаневска: Обезбедени се учебници за сите предмети и ученици во Македонија

„Од следната година не треба да има расправа за имање, немање учебници. Срамота е во 21 век да расправаме за тоа. Но, овој срам не е наш, туку на претходните кои го раководеле овој сектор, и на претходната Влада. Од сега натаму затворено е ова прашање.“ – нагласи министерката за образование на Република Македонија Весна Јаневска во изјавата дадена вчера, спроти утрешниот почеток на новата учебна година во сите основни и средни училишта во Република Македонија.

2 минути за читање

Министерката за образование и наука на Република Македонија Весна Јаневска денес ќе одржи во 12 часот прес-конференција спроти 1 септември, утрешниот почеток на новата учебна 2025/2026 година во основните и средните училишта во Република Македонија. „Учебници ќе има за сите ученици во основните и во средните училишта. Најголем дел од нив, 90 проценти се веќе доставени во училиштата додека останатите 10 проценти ќе бидат доставени во првата недела од учебната година.“ – веќе изјави вчера министерката за образование и наука Весна Јаневска.

Јаневска вчера нагласи дека треба да биде затворена темата околу тоа дали ќе има, или нема учебници од оваа година. „Ќе има учебници по сите предмети од прво до деветто одделение и од први до четврти клас за сите ученици. Во средното стручно лани имавме стотина печатени, оваа година имаме педесетина печатени нови наслови и дополнително педесетина поставени на веб-страниците за да можат учениците да учат. Јас би ѝ ставила крај на оваа тема годинава.“ – посочи Јаневска.

Според неа, учебници ќе има и за странските јазици за сите одделенија.

– Иако во изминатите седум години имаше проблеми со учебници, па не можеа на никој начин да обезбедат странски учебници, странски учебници ќе има по сите јазици за сите ученици. Со волјата, со упорна работа, со макотрпна работа, со еден многу сложен процес, со нов закон, со ново системско решение, со каталошки цени, ние покажавме дека ќе има учебници. Од следната година не треба да има расправа за имање, немање учебници. Срамота е во 21 век да расправаме дали има, или нема учебници. Срамот не е наш, туку на претходните кои го раководеле овој сектор, и на претходната Влада. Од сега натаму затворено е ова прашање.“ – нагласи министерката за образование Јаневска.

Таа напомна дека најголем број, односно 90 проценти од учебниците се доставени, а околу 10 проценти ќе се достават во првата недела од учебната година. „Веќе се доставуваат учебници. Најверојатно ќе има учебници, што ќе се достават и во првата седмица на учебната година. Секаде ќе стигнат: и во најодалеченото место, и на 30 и 50 километри, до планинските училишта, до сите подрачни училишта.“ – изјави Јаневска вчера.

Поврзани теми:

Весна Јаневска|Република Македонија|учебници|министерка за образование|основни и средни училишта

Повеќе на оваа тема:

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top