Шведскиот министер за здравство Јакоб Форсмед ја повика Европската Унија (ЕУ) да продолжи со ограничувањата за социјалните медиуми за деца, инсистирајќи дека тоа треба да се третира како итно прашање, објавува POLITICO.
„Губиме една генерација поради бесконечно ‘скролање’ и штетна содржина и треба да направиме нешто во врска со тоа“, рече Форсмед, додавајќи дека користењето на социјалните медиуми кај младите е „најитното здравствено прашање“.
Неговите коментари доаѓаат по изјавата на претседателката на Европската комисија, Урсула фон дер Лајен, која рече дека Европа би можела да усвои сличен пристап како Австралија.
Во нејзиното обраќање претходно оваа недела, таа вети дека ќе назначи експертска група за да го проучи влијанието на австралиската мерка и да даде препораки за тоа како треба да продолжи Европа.
Форсмед рече дека Европа мора брзо да дејствува, предупредувајќи: „Немаме време. Мора брзо да продолжиме напред.“
Шведска веќе состави истражување за влијанието врз младите луѓе и резултатите се јасни.
„Тоа е ризик за проблеми со менталното здравје. Го гледаме тоа не само кога станува збор за нарушувања во исхраната и штетно самопочитување“, додаде тој.
Лејен предложи да се почека за донесување одлука за мерките на ниво на ЕУ додека не направи анализа на австралиската политика.
Не е јасно колку време ќе имаат европските експерти за тоа, со оглед на тоа што таа стапува на сила во Австралија на 10 декември и таа сака препораките на комисијата до крајот на годината.