Македонија

Рамадани од НАИ ги прогласува Албанците како „државотворен народ“, исто како Македонците, и повикува „заедно рамноправни да ја однесат земјата напред“!

Блеранд Рамадани, генералниот секретар на крилото во Алијансата за Албанците на Зијадин Села, во коалицијата Национална алијанса за Албанците на ДУИ и Ахмети, едновремено и кандидат за градоначалник на Сарај, испраќајќи ја до Македонците „пораката од „Албанците-државотворци“, само уште еднаш ја повтори целта и на Али Ахмети и ДУИ: да добијат и Албанците во Македонија уставен статус како „рамноправен државотворен народ“, напоредно со Македонците…

1 минута за читање



Блеранд Рамадани вечерва учествуваше на отворањето на изборниот штаб на нивната коалиција Национална алијанса за интеграција (НАИ) во Долнени. Оттаму тој испрати порака дека иднината не се гради врз поделба, туку врз партнерство и соработка. Според него, само како рамноправни државотворни народи Албанците и Македонците можат да ја однесат напред оваа земја. Ова го објави информативниот портал на албански јазик „Тетова сот“. Инаку, Блеранд Рамадани е генерален секретар на крилото на Зијадин Села во Алијансата за Албанците на Зијадин Села и кандидат за градоначалник на Сарај од редовите на опозициската коалиција на ДУИ и Али Ахмети.

Натаму, Тетова сот“ ја пренесува објавата на Рамадани на општестената мрежа: „Отворањето на штабот на Националната интеграција за интеграција во Долнени е чекор, што сведочи за нашето единство и решителност. Од ова место испраќам јасна порака: Иднината не се гради врз поделба, туку врз парнерство и соработка. Албанци и Македонци, само како рамноправни државотворни народи можеме да ја одведеме напред оваа земја!“

Поврзани теми:

кандидат за градоначалник на Сарај|Македонци и Албанци|државотворни народи|ДУИ|али ахмети|Национална алијанса за интеграција|Блеранд Рамадани

Повеќе на оваа тема:

Најнови вести од: Македонија

Пренесувањето на моштите на Гоце Делчев и наводните на Самуил – огледало на бугарската политика кон Македонија, од добрососедство до историски ревизионизам!

Државната и политичката свест на Бугарија за 80 години се развиваше во негативна насока: од држава, која во 1946 година официјално ја признаваше македонската национална самобитност, идентитет, држава, јазик и историја, до држава-членка на ЕУ, која денес во 2026 година практикува историски ревизионизам кон Македонија, стремежи да ја „прекрои“ нејзината автентична национална историја. Но и стремежи за бугаризирање на македонскиот идентитет и јазик. Официјална Софија денес прибегнува кон вета и блокади на македонската евроинтеграција во обид да ги оствари своите асимилаторски цели и стремежи. Двата столба на македонскиот идентитет и државност се под опсада: Цар Самоил, како македонски државотворен столб на средновековието, и Гоце Делчев, како столб на современата државност и идентитет на македонскиот народ. Toa сe двете клучни точки, кои Софија упорно се обидува да ги бугаризира. Стратегијата не е насочена само кон одделни историски периоди, туку кон целосно растурање и поништување на континуитетот на македонскиот идентитет и државотворните стремежи и традиции на македонскиот народ од минатите векови до денес.

Кос: Многу земји имаат заедничка историја – да се насочиме на иднината

Еврокомесарката за проширување Марта Кос порача дека „иако многу земји имаат заедничка историја, фокусот треба да биде на иднината и на она што може да го постигнат заедно“. „„Многу земји имаат заедничка историја. Добро е што го признаваме тоа, но да гледаме кон иднината и кон она што можеме заедно да го постигнеме“, истакна Кос.

Муцунски: Патот на Македонија кон ЕУ да биде заснован врз заслугите, а не оптоварен со историјата и минатото

Најголема желба на Македонија е нејзиниот пат кон Европската Унија и полноправното членство да биде заснован врз заслугите, а не оптоварен со историјата или минатото, порача денеска македонскиот министер за надворешни работи и надворешна трговија Тимчо Муцунски на заедничката прес-конференција по Министерскиот состанок за Коридорот 8 во Софија, одговарајќи на новинарски прашања за очекувањата од денешната средба со неговата бугарска колешка, Велислава Петрова Чамова.

Муцунски за Ива Михаилова: Владата не се меша во судењето, бугарски лекари ќе можат да ѝ ја проценат здравствената состојба

Македонија е подготвена да овозможи посета на бугарски медицински специјалисти кои би се запознале со здравствената состојба и лекувањето на Ива Михаилова, потврди министерот за надворешни работи Тимчо Муцунски. Тој посочи дека случајот има два одделни аспекти – судскиот процес и здравствената состојба на Михајлова.

Јаневска: Ги обучуваме наставниците за користење вештачка интелигенција, за да им помогнат на учениците да ја употребуваат правилно

Најуспешните наставници и училишта по 9-месечната обука за вештачка интелигенција добија сертификати. Министерството за образование и наука ги спроведе обуките во соработка со Brainster Next.
Сите вести од Македонија

Најнови вести

To top