Специјалниот агент на ФБИ, задолжен за теренската канцеларија во Денвер, Марк Михалек, рече дека осум лица, на возраст од 52 до 88 години, биле префрлени во болници.
„Врз основа на овие прелиминарни наоди, јасно е дека ова бил намерен чин на насилство и ФБИ го истражува како терористички чин“, рече тој.
Михалек го идентификуваше осомничениот како Мохамед Солиман. Солиман беше хоспитализиран кратко време по нападот.
Солиман, египетски државјанин, имал истечена виза во 2023 година. Си-Би-Ес објави дека неговото барање за азил било одбиено уште во 2005 година, но не е јасно кога и како повторно влегол во САД.
Директорот на ФБИ, Кеш Пател, го опиша инцидентот како „терористички напад“, а главниот обвинител на Колорадо, Фил Вајзер, рече дека случајот изгледа како „злосторство од омраза, со оглед на групата што беше цел“.
Шефот на полицијата во Болдер, Стивен Редферн, рече дека не верува оти некој друг е вмешан.
„Релативно сме уверени дека го имаме единствениот осомничен во притвор“, рече тој.