Спорт

Голчиште на Трапановски против Глазгов Ренџерс и Миовски (ВИДЕО)

Македонското лево крило погоди само што влезе во игра во 66. минута во ремито 2:2 на „Иброкс“ во шкотскиот Премиершип

Кристијан Трапановски беше стрелец за Данди јунајтед во ремито 2:2 кај Глазгов Ренџерс во осмото коло од шкотскиот фудбалски Премиершип.

Левото крило со два настапа и за македонската репрезентација погоди само што влезе во игра во 66. минута, и тоа со удар по земја од дваесетина метри, израмнувајќи на 1:1 во тој момент.

За 26-годишниот битолчанец ова е првиот гол сезонава во вториот натпревар по повредата на задната ложа на крајот од јули, вкупно седми за него во сите конкуренции за Данди јунајтед од минатата сезона наваму.

Вториот Македонец меѓу актерите на теренот на „Иброкс“, Бојан Миовски, го одигра целиот меч за Глазгов Ренџерс и имаше два удара кон голот, но не се запиша во листата на стрелците.

„Проектилот“ на Трапановски на линкот.

 

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

Најнови вести

To top