Македонија

Хаос со ѓубрето во Скопје: ВМРО-ДПМНЕ бара одговорност од Арсовска

Советничката група на ВМРО-ДПМНЕ и Коалицијата тврди дека сите предлози на градоначалничката Данела Арсовска, поврзани со работата на ЈП „Комунална хигиена“, биле прифатени и изгласани од советниците на ВМРО-ДПМНЕ во Советот на Град Скопје

2 минути за читање

Советничката група на ВМРО-ДПМНЕ и Коалицијата тврди дека сите предлози на градоначалничката Данела Арсовска, поврзани со работата на ЈП „Комунална хигиена“, биле прифатени и изгласани од советниците на ВМРО-ДПМНЕ во Советот на Град Скопје. Партијата ја повикува Арсовска да посочи конкретна одлука за тековното работење на „Комунална хигиена“ што не била поддржана од нивните советници.

„Апелираме да каже која одлука врзана со тековното работење на ‘Комунална хигиена’ не е изгласана од советниците?“, прашува ВМРО-ДПМНЕ, нагласувајќи дека тврдењето на Арсовска дека проблемот со отпадот е намерно предизвикан е неосновано и нелогично. Според партијата, во услови на изборна кампања, ВМРО-ДПМНЕ немала интерес да дозволи Скопје да биде затрупано со ѓубре, бидејќи тоа би имало негативни последици врз нивниот имиџ. „Тезата на Арсовска дека овој проблем е намерно создаден е површна, неточна и нелогична: зошто ВМРО-ДПМНЕ во сред изборна кампања би го оставило Скопје во ѓубре, ако се знае дека товарот и негативата ќе одат на сметка на ВМРО-ДПМНЕ?“, се вели во соопштението.

ВМРО-ДПМНЕ бара одговори од Арсовска за причините за нередовното собирање на отпадот и за начинот на кој се трошат средствата што граѓаните редовно ги плаќаат за комунални услуги. Партијата, исто така, повикува на испитување на кривичната одговорност за надлежните лица кои го предизвикале хаосот во градот. Според ВМРО-ДПМНЕ, актуелната ситуација е резултат на дејствување на „тајна коалиција“ што ја поддржувала Арсовска во изминатите четири години и која, според партијата, има за цел да ѝ наштети на ВМРО-ДПМНЕ во пресрет на изборите. „Апелираме да се испита и кривичната одговорност на надлежните за ваквиот хаос од кој страдаат скопјани. Ова го прави некој што сака да наштети на ВМРО-ДПМНЕ во изборна кампања, а тоа е тајната коалиција која ја поддржуваше Арсовска и ја раководеше 4 години. Ќе дојде крајот на ова и ќе има одговорност“, порачува ВМРО-ДПМНЕ.

Поврзани теми:

топ|Данела Арсовска|ВМРО-ДПМНЕ|ѓубре|ЈП Комунална хигиена

Повеќе на оваа тема:

Најнови вести од: Македонија

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.
Сите вести од Македонија

Најнови вести

To top