Македонија

Масакр во Кичево: „Општината молчи, како да е нормално да се живее меѓу отров и оружје“

Се бара итна реакција откако биле убиени над 40 кучиња

2 минути за читање

Активистите од здружението за заштита на животните „Анима мунди“ бараат итна реакција од институциите по ужасниот случај во Кичево, каде што во само еден ден биле убиени повеќе од 40 кучиња – дел отруени, а дел застрелани.

Телата на животните биле пронајдени на повеќе локации низ градот, вклучувајќи и во близина на основното училиште „Санде Штерјоски“, што дополнително ја зголемува загриженоста на граѓаните.

„Два дена молчевме. Сакавме да видиме дали некоја институција ќе реагира – градоначалникот Фатмир Дехари, општината, полицијата. Два дена – ништо. Како да е сè нормално. Како да е прифатливо да живееш во град опколен со отров и оружје“, се наведува во соопштението на здружението.

Од „Анима мунди“ предупредуваат дека животните биле убиени со екстремно токсични супстанции, кои можат да бидат смртоносни и за луѓе, а дел од нив имале траги од огнено оружје.

Да се проверат камерите, да се идентификуваат сторителите и да има индивидуална и институционална одговорност за оваа ликвидација“, бараат активистите.

видео:

https://www.instagram.com/skopje1mk/?utm_source=ig_embed&ig_rid=3b5f34b6-61f2-4bb4-9127-30373fa3bf28&ig_mid=E4EA69C2-7556-457C-853D-DB8B3C746AE0
Здружението го прашува градоначалникот Фатмир Дехари:

„Дали е нормално во вашиот град да се убиваат животни со отрови што за пет минути можат да усмртат дете? Дали е нормално некој вооружен да шета и да пука по животни додека граѓаните спијат? Кој нареди ‘Кичевски комуналец’ за половина час да ги собере и исфрли 40 трупа – без увид, без полиција, без истрага? И каде се сега тие тела?“

Од здружението велат дека ова не е изолиран инцидент, туку повторување на мрачна пракса што била присутна пред петнаесет години.
„Такво нешто не може да направи поединец. Тоа го прави институција што организира ликвидација – никој не убива цел град животни сам“, реагираат тие.

Активистите потсетуваат дека Кичево со години има проблем со прекубројност на бездомни животни, но дека убивањето не е решение.
„Општината годишно издвојува околу 20.000 евра за управување со оваа проблематика, а 115.000 евра плаќа за обесштетувања по пријави за каснувања – реални и лажирани. Тоа не е планско управување, туку злоупотреба на јавни пари“, наведува „Анима мунди“.

Поврзани теми:

видео|Кучиња|масакр|општина|вознемирувачка снимка|актуелно|градоначалник|убиени|Кичево

Повеќе на оваа тема:

Најнови вести од: Македонија

СДСМ поведува постапка за исклучување на Јован Деспотовски од партијата

СДСМ денеска соопшти дека до надлежните органи на партијата, Централниот одбор, согласно Статутот на СДСМ доставува барање за итно исклучување на Јован Деспотовски од партијата, поради, како што тврдат – дека тој во договор со членови на ВМРО-ЗНАМ се обидуваат да ја дестабилизираат партијата.

Отпечатена е првата разгледница „Поздрав од Голо Брдо“ на Ѓурѓај – придонес за зачувување на културното наследство на Македонците во Албанија

Разгледницата „Поздрав од Голо Брдо“ е авторско дело на Никола Ѓурѓај, претседател на Mакедонското друштво „Илинден“ од Тирана и уредник на истоимениот весник на македонски јазик. Првото издание на разгледницата е отпечатено со парична поддршка од семејството Ѓурѓај.

Апсурди на Адеми: Костадиновски го претвора Уставниот суд во „мајоритарно параполитичко тело“?! Во него мора да се применува бадинтеровиот принцип!

„Пристапот на претседателот на Уставниот суд ги загрозува Рамковниот договор и правата на Албанците.“ – изјави генералниот секретар на Демократската унија за интеграција. Тој тврди дека ставовите, што ги искажа првиот човек на Уставниот суд Дарко Костадиновски, ја преобразуваат оваа институција во мајоритарно параполитичко тело во функција на поништување на Охридскиот договор! Адеми е убеден дека е сега моментот за примена на бадинтеровиот принцип и во Уставниот суд!“ – ова го објави информативниот портал на албански јазик „Алмакос“. Но, дали токму барањето на ДУИ да се применел бадинтеровиот принцип и во Уставниот суд би го претворило и навистина во „параполитички суд“ според „етничката кројка“ на „интегративците“ – пракса каква што нема никаде во светот, во функционирањето на ниеден уставен суд во која било држава?!

Продолжува пресметката на Бихаќка: Филипче во напад на Деспотовски кој е наречен петтоколонаш

Центарот за комуникации на СДСМ денес издаде остро соопштение во кое Јован Деспотовски, поранешен кандидат за претседател на партијата и актуелен член, е обвинет дека дејствува како „петоколонаш“ и „предавник одвнатре“

Претседателката Сиљановска-Давкова ја врачи Големата годишна награда за најуспешно реализирано архитектонско дело во 2025 година

Лауреати на Големата годишна награда за најуспешно реализирано архитектонско дело во 2025 година се авторите Искра Лековска и Владимир Лековски

Гаши: Мора да прекине пристапот дека Собранието е машинерија за изгласување закони и да се намали нивниот број по скратена постапка

Зборувајќи за работата на Собранието на Република Македонија, неговиот претседател Африм Гаши изјави во интервјуто за Македонската информативна агенција – МИА дека, врз основа на истражување на јавното мислење, за првпат после десет години има подобрено гледање на граѓаните за Собранието. Тој укажува дека треба да се намали бројот на закони по скратена постапка, што се предлагаат, и оти на тоа постојано ќе посочува.
Сите вести од Македонија

Најнови вести

To top