Закон предложен од владата на шведскиот премиер Улф Кристерсон има за цел да ја намали возраста за кривична одговорност за особено сериозни кривични дела, јавува ДПА.
Од следното лето, сторителите на возраст од 13 години ќе бидат испратени во малолетнички затвори.
Шведска со години се бори со постојан пораст на сериозни кривични дела извршени од малолетници.
Бројот на лица под 15 години осомничени за убиство, помагање и поттикнување на убиство или обид за убиство изнесувал 93 во првите шест месеци од 2024 година, според најновите официјални бројки, три пати повеќе отколку во истиот период претходната година.
Намалувањето на возраста за кривична одговорност за најтешките кривични дела е важно за заштита на општеството, но и за да им се помогне на децата да се одвратат од криминалот, објасни министерот за правда Гунар Штромер. Тој зборуваше за почетни 100 до 150 места за престапници на возраст од 13 до 17 години.
Според владата, посебните единици за млади ќе бидат готови од 1 јули 2026 година. Одделенија за момчиња ќе бидат поставени во шест затвори и два за девојчиња.
Ова не смее да ја прекрши Конвенцијата на ОН за правата на детето, како што јасно наведе министерството.