Вчера централното претседателство на ДУИ расправаше за дебаклот што ја доживеа оваа партија на локалните избори и прашање е дали ова „самостојно повлекување“ на Блерим Беџети од позицијата на шеф на нивната парламентарна група е поправо почеток на бранот оставки во врвот на Демократската унија за интеграција?! Вчера нејзиното раководство одлучи да се одржи конгрес до 20 декември 2025 година и претстои да се види што ќе се случува во тетовска Мала Речица во наредните денови и седмици, дали конечно ќе дојде до заминување на лидерот на ДУИ Али Ахмети во „политичка пензија“?!
Блерим Беџети од ДУИ потврди за ТВ21 дека повеќе нема да биде координатор на пратеничката група на ДУИ. Тој посочува дека „оваа промена е направена откако самиот ја напуштил оваа позиција“, оти „не бил разрешен“.
Во веста ТВ 21 дополнува: На прашањето зошто заминал и дали се смета себеси како одговорен за лошиот изборен резултат во Сарај, Беџети одговори дека „оваа одлука е донесена, за да им се отвори простор на нови личности“. Тој додаде дека „ќе продолжи да биде активен во ДУИ“.