Претседателката Гордана Сиљановска-Давкова бара ЕУ да ја оценува Македонија врз реалните параметри на Критериумите од Копенхаген а не врз субјективни политички услови.
Оваа забелешка Сиљановска-Давкова му ја пренесла денеска на шефот на Делегацијата на Европската Унија, амбасадорот Михалис Рокас, кој и го предал Извештајот на ЕК за напредокот за 2025 година.
,,Ги поздравивме позитивните резултати во рамките на Планот за раст, реформата на јавната администрација, како и успесите во Кластерите 3,4,5 и 6″, објави Сиљановска-Давкова која открива дека амбасадорот Рокас ги нотирал главните проблеми со коишто се соочуваме, како и очекуваните промени.
,,Ги искажав моите забелешки на дел од констатациите во Извештајот коишто се однесуваат на Кластерот 1 и укажав на потребата евалуацијата да биде заснована врз Копенхагенските критериуми, а не врз политичките услови со коишто се соочуваме две децении”, смета ПретседателкатаГорданаСиљановска-Давкова.