Македонија

Хоџа: Највиновен за слабите резултати на НАИ на изборите е Ахмети, им веруваше на погрешни луѓе

Посочувањето од Аријанит Хоџа дека лидерот на ДУИ Али Ахмети сноси најголема вина поради слабите резултати на нивната коалиција Национална алијанса за интеграција (НАИ) на локалните избори означува дека и внатре во оваа коалиција на ниво на партии започнува „расчистувањето на сметките“ за изборниот дебакл: Европската демократска партија, чиј лидер е Аријанит Хоџа, која е дел од НАИ, веќе го вперува прстот кон Али Ахмети…

1 минута за читање

Аријанит Хоџа, претседателот на Европската демократска партија, која е дел од опозициската коалиција Национална алијанса за интеграција на ДУИ, коментирајќи ги слабите резултати на оваа коалиција изјави дека вината за тоа ја сноси и лидерот на ДУИ Али Ахмети, бидејќи, како што кажа, „им веруваше на погрешни луѓе“. Оваа изјава Хоџа ја даде во емисијата „Ајде да зборуваме“ на ТВ 21.

Пренесувајќи ги неговите искажувања во овој контекст, телевизијата наведува: „Му го кажав сево ова на Ахмети.“ – посочи Аријанит Хоџа.

Запрашан дали и Ахмети е виновен, поради тоа што се согласил да ги подели општините на овој начин, Хоџа одговори: „Апсолутно. Вина сноси и Ахмети. Најголемиот товар на вината паѓа врз него за ова што се случи од аспект на општините. Најголемиот товар на вината na Али Ахмети е и поради тоа им веруваше на погрешни луѓе.“ – објави ТВ 21.

Поврзани теми:

топ|актуелно|избор|ДУИ|али ахмети|Национална алијанса за интеграција|локални избори 2025|Аријанит Хоџа|Европска демократска партија

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .
Сите вести од Македонија

Најнови вести

To top